طريقة سهلة للسيطرة على غضبك وانفعالك مع اولادك

ازيكم يا قمرات ....موضوعى انهاردة بسيط اوى كلنا طبعا صوتنا ااااد كدة لما بنزعل من ولادنا و ساعات كمان نقول كلام نندم عليه بعد كدة بندمر بيه شخصية...

مجتمع رجيم الحياة الأسرية
&ملكة الورد&
اخر تحديث

طريقة سهلة للسيطرة على غضبك وانفعالك مع اولادك

طريقة سهلة للسيطرة على غضبك وانفعالك مع اولادك

ازيكم يا قمرات ....موضوعى انهاردة بسيط اوى
كلنا طبعا صوتنا ااااد كدة لما بنزعل من ولادنا و ساعات كمان نقول كلام نندم عليه بعد كدة بندمر بيه شخصية الطفل او نتصرف تصرف فيه رد فعل غير مساوى اطلاقا للفعل من الطفل مجرد تفريغ للغضب اللى جوانا ...فش غل من الاخر يعنى وانفعالك 55971.gif

بعدها بنندم و نقول اخر مرة .....و طبعا مفيش فايدة !


انا بقيت اعمل حاجة بسييييييطة جدا جدا بس فادتنى اوى بصراحة فى التحكم بانفعلاتى مع اولادى


بقيت فى كل تعاملاتى معاهم مبصش عليهم و هما صغيريين كدة
لا بتخيلهم و هما كبار و تاثير اللى بعمله دة عليهم هيبقى ايه فى اى جانب من الجوانب

بمعنى انى على طول شايفاهم بنظرة المستقبل اللى بتمناه ليهم


يعنى مثلا بنتى تسالنى سؤال اجاوب عليها باسلوب وكلام ينمى عندها اشياء معينة فى شخصيتها انا عايزاها تبقى فيها مش فض مجالس و خلاص


مثلا عملت شئ كويس ...الاول كنت بشجع عادى ...بس دلوقتى بقيت اركز اكتر فى التشجيع دة انى اطلع منه بشئ يكبر جواها يخليها ناجحة فى المستقبل و يزود ثقتها و اتخيلها و هى ناجحة مش مجرد برافو و خلاص و ابقى اسمى شجعتها فض مجالس بردة ...


و مثلا يحصل اى غلط منهم قبل ما ازعق و اشخط و انطر و اقول كلام يسم بدنهم اشوفهم قدام فى المستقبل و هما شخصية مهزوزة معدومة الثقة و ملطشة من زعيقى وكلامى اللى زى السم و مالوش اى لازمة !


و اقول لا انا عايزاها كدة و اتخيلها شخصية قوية واثقة من نفسها كل اللى حواليها بيحترمها و انسانة ناجحة فى بيتها مع جوزها و ولادها فالاقى تصرفى اتعدل على طول و اتحكمت فى نفسى ............و هكذا


يعنى من الاخر الفكرة انك اتعاملى مع طفلك على اساس شخصيتة المستقبلية اللى انتى عايزاها ليه .....مش تتعاملى معاه على انه الشبر و نص اللى واقف ادامك تطيريه بنفخة دة

لان دة اساس تعاملنا الغلط مع ولادنا اننا بنعاملهم كعيال و خلاص


يا رب الحكاية دى تفيدكم و تظبط انفعالتكم شوية


منقول لعيون اغلى امهات

المصدر: مجتمع رجيم


'vdrm sigm ggsd'vm ugn yqf; ,hktuhg; lu h,gh];

فراشة حواء
اخر تحديث
تسلم ايدك اختي العزيزة موضوع روعة وكلام جميل تقبلي مروري
&ملكة الورد&
اخر تحديث
اسعدنى تواجدكم الطيب بارك الله فيك
ام روان ونوران
اخر تحديث
هو صعب هههههههههه
بس نجرب
&ملكة الورد&
اخر تحديث
اسعدنى تواجدكم الطيب بارك الله فيك
اسيرة الاحزان2002
اخر تحديث
فعلا طريقة رائعه تسلم الايادي
الصفحات 1 2 

التالي
السابق