الطرق الصحيحه لعمل حمام الزيت بالبيت واحلى من الكوافيره
مجتمع رجيم / العناية بالشعر و قصات الشعر تسريحات جديدة
كتبت :
ام احمد123
-
مرحبا بيكم عضوات رجيم هاد الموضوع مني شخصي ومن تجربتي الشخصيه بما انني اعمل بقسم التجميل حبيت افيدكم بمعلومات قيمه من عندي ومن تجاربي وتجارب مضمونه من زبائني يالي استفادو كتير منها وانتم كمان راح تستفيدو ان شاء الله طبعا في كتير خلطات وصفات بس انا هون جبتلكم اهم شي ومجرب ومضمون
وحتى ترتاحي من الخلطات كلها وهاي الطرق بعد تجربتها ما راح تستغني عنها وباذن الله راح يكونو روتينك على ضمانتي
طريقه حمام الزيت بتنقسم لقسمين
طريقه للتنعيم
وطريقه تانيه للتكثيف والتطويل وهون راح اوضح كل طريقه وبتمنى من الله انكم تستفيدو وطبقوها وتردولي خبر
طريقه تكثيف الشعر ----- انا كتير بقرا على النت ثومه وبصل ومدري شو وبالاخر ما في نتيجه بس هون راح اعطيكم طريقه وعلى ضمانتي حتى يالي شعرها خفيف جدا او قارب على الصلع هاي طريقه كتير مفيده ومعظم زباين كانت شعرها بحاله يرثى لها استفادو عليها صدقوني انا هون ما بكتب مجرد كتابه بس لحت تستفيدو وربي ما ؤراح تندمو باذن الله طريقه واحده وما راح تستغني عنها طول عمرك
طريقه التكثيف والتطويل
بيض حسب طول الشعر
حلبه مسلوقه ومهروسه
زيت خروع وهاد كتير مهم كتير
زيت سمسم
كلهم اخلطيهم بالخلاط وحطيهم على شعرك 3-4 ساعات وكل ما طولت المده كان افضل وبعدين تغسلسه بصابون غار وهادي كمان مهمه ازا بدك نتيجه مضمونه وبعدين تضعي شويه ماء الزهر مع ماء التشطيف عشان الريحه
والله يا بنات ما راح تحتاجي لاي وصفه تانيه وخلال شهر بس بيكون شعرك تكثف وطول حتى لو كان ما في شعر وعلى ضمانتي وانسي بلا ابر بلا كريمات ووجع راس وانا متاكده راح تعجبكم وبعيد مره تانيه الخروع والحلبه مهمات
اعمليها مرتين بالسبوع
2- الطريقه التانيه وهاي للي شعرها خشن وبدها ينعمممممممم
كريم البناويل وهاد افضل شي
نحله بشويه ماء مغلي فيه اكليل الجبل كتير مفيده هالعشبه للشعر
عسل
لبن
بتخلطيهم مع بعض الكميه حسب شعرك
وبعد ما تغسلي شعرك حطي الخلطه لمده ساعه وشطفيه بماء بدون شامبو ركزي هاي الخلطه بنضعها والشعر نضيف يعني بس نشطف تشطيف
وبعد هيك ادهني شويه من مخلوط زيت سمسم
وزيت جوز هند 
هادول افضل شي للتنعيم واياكي والسلكون راح يضر شعرك كتيرهادول افضل طريقتين لحمام الزيت على الشعر واالله من تجربه على اكتر من واحده وبتمنى انكم تستفيدو منهم لا تستهينو فيهم ابدا
وانا راح اشرح بمواضيع تانيه اسباب وعلاج التقصف تساقط الشعر وعلاجه برضو عن تجربه وكل شي بيتعلق بالصبغه والميش واي شي بيخصك وبامانه وعن تجارب ناجحه
اتمنى لكم الافاده والجمال الدائم
ملاحظه اعمليهم لمده شهر او اتنين ومرتين بالاسبوع
اتركم بحفظ الرحمن
كتبت :
أمواج رجيم
-
