اسباب يمكن لاول مره تعرفيها عن تساقط الشعر

مجتمع رجيم / العناية بالشعر و قصات الشعر تسريحات جديدة

كتبت : ام احمد123

زي ما وعدتكم هون بهالموضوع راح اتكلم عن اسباب تساقط الشعر كتير منا يجعلها

طبعا نحنا بنعرف انه تساقط الشعر لاله اسباب كتيره بس يالي ما بنعرفه انه في شغلات بنعملها هي سبب بتساقط الشعر وكتير منا بيجهلها وراح اوضح السبب

نتكلم عن الاسباب والشرح خطوه خطوه
1--------- السبب الرئيسي كثره غسل الشعر بالماء والشامبو
طبعا للتوضيح الشعره كلنا بنعرف انها اخف شي بالجسم والماء اثقل شي على الشعره
وكل ما بنغسل الشعر بنحمل الشعره فوق طاقتها يعني بتحمليها اوزان اكتر منها ليهك ممكن تنكسر وتنزل نصها في كتير بنات بيستغربو انه نص الشعره نازله وانص التاني موجود وللاسف ما بتعرف السبب
انت هون لما بتغسلي راسك طبعا راح نضع عليه الماي ومره على مره ما تعود الشعره تتحمل فبتنزل اما من الجذور او بتكسر نصها ونفس الشي للبنات يالي بيستخدمو الجل هاد اكبر سبب لتساقط الشعر برضه نفس نتيجه الماء يعني بنحمل الشعره وزن هي ما بتحمله فبتنكسر

2----- استخدام الجل ووضحت السبب فوق
ولو كنت مضطره ما يضر لو مره بالاسبوع على الاكثر وعلى طول غسليه قبل النوم ونشفيه بالمنشفه كويس

3- سوء التغذيه وهاد سبب مهم من تساقط الشعر يعني لازم ناكل كل شي مفيد لتغذيه الشعر متل الخميره لانها بتحتوي على فيتامينات مهمه لالاظافر والشعر

4- كثره شد الشعر
وهاي عاده دارجه بالبنات وانا كنت منهم لما بعصب بنزل نتف بحاي واحيانا ممكن تكون الوحده سرحانه وشد بخصل الشعر وهاي عاده كتير سيئه لانه بنسحب الشعره من جذورها

5- استخدام المواد الكيماويه بطريقه خاطئه يعني ممكن واحه توخد طريقه تمليس متلا من صاحتها وطبقها خطا ونحنا بنعرف انه المواد الكيماويه بتنزل الشعر وبتضره وراح اتكلم بموضوع التمليس عن حاله صلع نتيجه الاستخدام الخاطيء للتمليس

6- استخدام الزيوت بكثره على الشعر --- للاسف البنات بيفكرو كتره الزيوت بتكثف الشعر وهون الخطا يعني
نحنا بنستخدم الزيت قبل الحمام بيوم حتى نشيل تاني يوم كل الزيوت عن الشعره وهاي الطريقه الصح كيف
بنستخدم خلطه الزيوت قبل غسل الشعر بيوم
وتاني يوم بنغسله كتير كويس حتى ما يضل اثر للزيت لانه الزيوت بتسكر مسام الشعره وبتمنع الاكسجين يدخل لالها
وكمان شي مهم انه الزيت بيمسك بالغبار ولاوساخ كتير على الشعر وهاد بيسد المسام
اذن الطريقه الصحيحه استخدامه اما ليله او ساعات وبعدين نغسله المسامه اخدت كفايتها من الزيت وما في داعي اتركه اكتر من الازم

7- تغيه الشعر فتره طويله

خاصه نحنا بفتره الشتا هالطاقيه ما بتفارق روسنا وهاد بيمنع الاكسجين عن الشعر لهيك حاولي انه شعرك يتنفس لانه بحاجه للتنفس متل البشر

هاي الاسباب يالي كتير بنات بيجهلوها وحبيت اني اوضحها لالكم ويا ربي اكون وصلت الفكره بشكل جيد
بعرف اني ما بقدر اعبر بس يمكن اقدر اوصل الفكره لالكم

وطبعا العلاج واضح اذا عرف السبب بطل العجب
وبضيف كمان يا ريت تركزي على التغذيه المناسبه للشعر

اتمنى لكم الجمال الدائم