قصيدة عن العراق (( منقول ))

قصيده عن العراق ماعاش اليذلك يـا عـراق الخيـر ولاعاش الرسملك عالوجـن دمعـه عراق انته عراق امشرف التاريـخ وبيارغ هيبتـك للعالـم امشرعـه ثوبك ثوب عزه...

مجتمع رجيم / فيض القلم
عبورة الانبارية
اخر تحديث
قصيده عن العراق
ماعاش اليذلك يـا عـراق الخيـر
ولاعاش الرسملك عالوجـن دمعـه
عراق انته عراق امشرف التاريـخ
وبيارغ هيبتـك للعالـم امشرعـه
ثوبك ثوب عزه وانته تاج الـراس
يارمـز الحضـاره وللمجـد قلعـه
ابو الوكفات انته وانته ابو الطيبات
وابو جفوف السخيه وطيب السمعه
مو انته العراق الهيج بيك ايصيـر
يالصايـغ حياتـك للعـرب شمعـه

اشجم واحد اجاك ايلوذ من الجـوع
وتمد جفك خبـز للجايـع اتشبعـه
وجم واحد غرك ويصيح ها يعـراق
تلاحكلي اغركت وجفوفـك اتطلعـه
جم واحد سكت من صار بيهه ازماط
وبوكت المزامط صوتـك انسمعـه
معادنهم شبه كل ذولـه اليضـدوك
بس انته الذهب تيزاب مـو لمعـه
وجبل باقي العراق وما تهزه الريح
ولادنـك الـراس وخانتـه الهمـه
ظل واكف اشم من هـدوا العـدوان
صاح انه العـراق ومانكـر اسمـه
وكف بالساحه وحده وردداهه ابزود
وسمعوهه اشكبرهه اشتعني هالكلمه
ماريد اليهدلي وجفه احس مشلـول
ولاريـد اليهدلـي البايـع الذمـه
انه العباس هدلي وهدلي ابو السجاد
وجرسيفه وفزعلي وهدلي ابو اليمه
ماعاش اليذلك يـا عـراق الخيـر

اتمنى تعجبكم
دودي الوردة
واو
تسلم ايدج
والله العراق جان هيبة
بس هسة صار خيبة
من ورى البشر السيئين
للاسف دمروا العراق
الله يرحمة
بلكي الله يذب بي الروح
ويرجع مثل الاول واحسن بعد
دكتورة سامية
اختيار موفق
بارك الله بكِ
ورزقك السعادة في الدارين
خالص تقديري
وكل الود
ام احمد123
يعطيك الف عافيه
وتسلم الايادي
عبورة الانبارية
class="quote">اقتباس : المشاركة التي أضيفت بواسطة دودي الوردة:
واو
تسلم ايدج
والله العراق جان هيبة
بس هسة صار خيبة
من ورى البشر السيئين
للاسف دمروا العراق
الله يرحمة
بلكي الله يذب بي الروح
ويرجع مثل الاول واحسن بعد

العراق دائما هيبة
بكل ناسه السيئين و الطيبين
العراق دوم رافع راسه
عبورة الانبارية
الصفحات 1 2 

التالي

يوم كنا

السابق

كيف التعامل مع الناس

كلمات ذات علاقة
منقول , العراق , قصيدة