الحل الرهيب لجميع مشاكل الشعر
مجتمع رجيم / الموضوعات المميزه فى المكياج والعناية بالشعر و الجسم
كتبت :
زوجي قرة عيني
-
حياكن الله حبيباتي في الله
المشكلة اللي هكلم فيها الده كانت منكدة عليا حياتي ومخلياني فاقدة الثقة خااااالص في نفسي
وهي شعري , كانت كل مشاكل الشعر موجوده في شعري وخاصة تساقط الشعر لغاية مابقت مقدمة راسي صلعه
والله بجد ماتستغربوش , كانت مقدمة راسي فاضية من الشعر خالص كان خفيف قوي ومهما احاول اخبيه بأي تسريحة كان برضوا جلدة راسي باينة
وطبعا من كثر الخلطات اللي عملتها زيوت وادوية ومش عارف ايه شعري بقى دهني ومتقصف وباااااااااهت وخشن
قولت يارتني ماجربت اعالجه ع الاقل كان ناعم حتى لو كان خفيف
المهم فضلت على الحاله دي 5 سنين وشعري كل ما الوقت يعدي يقع اكثر روحت لدكتور غدة قولت جايز عندي مشاكل او حاجه
عملي كل التحاليل وقالي مش معاكي حاجه روحي لدكتور جلدية
روحت لدكتور الجلدية قالي عملتي تحاليل ومش فيكي حاجه قولتله اه
اداني دوا عبارة عن حاجه بتترش كده وشامبو اغسل بيه شعري
استعملتوا شهر ونص ولا كأني استعملت حاجه والدوا كان غالي بأمانة
ده طبعا غير الوصفات اللي كنت بستعملها اللي اخذته من النت واللي اخذته من برامج العلاج الطبيعي من التلفزيون
و مفيش فايده بالعكس شعري ضااااااع خالص
ومن اربع شهور بالظبط شعري كان في حاله سيئة جدا خفيف قوي وخصوصا في مقدمة الرأس
ولونه باهت ومتقصف وخشن وفرحي كان فاضل عليه 6 شهور
وزوجي كان لسه ماشفش شعري خالص وكنت مرعوبة من اليوم اللي هيجي ويشوف فيه شعري
كنت لمحتله انه شعري فيه مشلكة وانه خفيف قوي بس طبعا عمرو مايتوقع انه ممكن يكون وصل للمرحلة دي
عشان مش اطول عليكم هقولكم ع الحل واقولكم حكايتي مع الحل ده كمان
الحاجه الوحيدة اللي استعملها وحليتلي كل مشاكل شعري هي :
الحنـــــــــــــــــاء
ايوى الحناء والله انها رهيبة شعري بقى كثيف وناعم ولونه بسم الله ماشاء الله وبيلمع
هو مش كثيف قوي لانه الصلع اللي كان عندي كان كبير قوي ومشكلة 5 سنين مش هتتحل في 4 شهور
بس في شعر جديد طلع وبقيت بسرح شعري بشكل معين ف مش بيبان خالص انه خفيف شوية من قدام ولسه بستعملها لغاية شعري مايبقى كثيف وقوي
قصتي مع الحناء انه مامتي من وقت المشكلة ما ابتدت وهي بتقولي خليني احطلك حناء واستمري عليها
وانتي تشوفي وانا اقولها يعني يا ماما هي الحناء اللي هتخلي شعري كويس ويطلعلي شعر جديد
طبعا لاء وفضلت مصرة على رأيي ده 5 سنين , ربنا يهديني بقى
جيت من 4 شهور بعد مافقدت الامل في اي حاجه ماما قالتلي برضوا خليني احطلك حناء وشوفي
وطبعا استسلمت وقولتلها ماشي لاني كده خلاص بايظ بايظ
ابتديت استعمل الحناء 3 مرات في الاسبوع ابتديت الاحظ انه شعري ابتدى يتغير من ثاني مرة استعمله فيها بقى بيلمع وابتدى يبقى ناعم
قولت كويس جدا حتى لو ماطلعش شعر جديد على الاقل بقى ناعم وبيلمع بس المفاجأة الاكبر بقى بعد شهر من استعماله لقيت شعر كثيييييير جديد طلع
وكان وقتها 3 سنتمتر يعني الشعر طلع قبل الشهر كمان بس انا مش لاحظت عشان كان صغير
ولغاية الده بستعملها وشعري اتحسن بنسبة 70 في المية فاضل شوية بس عشان يبقى كثيف وطبيعي في مقدمة الرأس
بس طبعا لازم الصبر لاننا مش هنشوف النتيجة اللي احنا عايزنها في يوم واحد
زي ما المشكلة بقالها زمان قوي لازملها وقت عشان تتعالج وانا بوصيكم بالصبر ثم الصبر ثم الصبر
دي تجربتي زي ما مريت بها بكل حاجه فيها وربنا شاهد اننا صادقة في كل كلمة قولتها
وعارفه انه في بنات كثير زيي ونصهم او اكثر فاكر زي ما كنت انا فاكرة انه الحناء مستحيل تكثف الشعر وطوله وتعالجه
اتمنى اكون افدتكم بتجربتي واي سؤال انا تحت امركم