يومياتي ... يارب تساعدوني

السلام عليكم و رحمة الله و بركاته .... مساء/ صباح الخير ... انا مشتركة جديدة في المنتدى و اللي حمسني اشترك معاكم لمن قريت يوميات اخواتي مع الرجيم و...

مجتمع رجيم / أرشيف رجيم
روآن ياناسو
اخر تحديث
يومياتي ... يارب تساعدوني

السلام عليكم و رحمة الله و بركاته ....

مساء/ صباح الخير ...

انا مشتركة جديدة في المنتدى و اللي حمسني اشترك معاكم لمن قريت يوميات اخواتي مع الرجيم و حبيت اجرب اكتب انا كمان ...~
و اكتر شي حمسني اشترك هوا تشجيعكم و تحميسكم ليهم و انا متأكدة انو دا اكتر شي ساعدهم و ان شاء الله راح تساعدوني و تكونو معايا ....

طبعا كتير مننا يعاني من السمنة وانا اولهم تساعدوني icon4.gifو سرت ما ابغا شي في حياتي غير اني اوصل للوزن المثالي ... و هادي اكيد امنيتنا كلنا و ربي بيكون معانا و بنقدر ....
بتكلم عن نفسي و بعدين راح اكتب عن مشكلتي مع السمنة ....
انا ادرس طب وان شاء الله بتكون عندي معلومات عن السمنة و اضرارها ....

يتبع ....~~تساعدوني happy.gif



روآن ياناسو
انا روان 22 سنة زي ما قولت ادرس طب بشري ساكنة في جدة ....
اهلي مو معايا و عايشة مع اوختي .....
طولي 168 سم و وزني للاسف 114 كجم

طبعا السمنة للاسف عندنا وراثة في العيلة سوا من ناحية الاب او من ناحية الام ....
انا عديت مراحل دراستي كلها و انا ابغا انحف بس ما كونت اخده الموضوع بشكل جدي ....
بس بعد ما كبرت و دخلت الجامعة حسيت انو كان لازم انتبه لنفسي من زمان .....

لمن اروح اي مكان لازم اسمع التعليقات و الكلام اللي يضايقني و طبعا دا الشي اثر عليا كتير و سرت اكره اروح اي مكان ....
مشكلتي انو دوامي مو كويس يعني اخرج من الجامعة متأخر و ارجع البيت اتكاسل اعمل غدا و بالتالي اطلب من اي مطعم و اقول في نفسي يلا اكل وجبة من مطعم و يسير يومي كلو وجبة وحدة بس
طبعا انا انسانة اموووووت في شي اسمو اكل من المطاعم السريعة و للاسف بعد ما طلعت جدة سرت كل يوم اطلب منها على البيت توفير للوقت ....

اتفقت انا و بنات عمي و واختي نساوي رجيم سوا و روحنا نمشي و ما كملنا غير شهر و بعدها جات الاختبارات اضطرينا نوقف .....



يتبع .....~~
اسيل 90
موووفقة ياقلبى ان شاء الله
روآن ياناسو
بعدها عدت الايام وما رجعنا نعمل رجيم ..... مرت شهرين و ما شوفت بنات عمي ....
بعد شهرين كانت الصدمة .. اتفاجات انو بنات عمي عملو رجيم بدون ما يقولولي و نحفو كتير عليه .....اكتر شي موتني قهر انو انا اللي كونت اقولهم يلا نعمل رجيم .......
طبعا دا الشي موتني قهر و خلاني اكتأب حاولت امسك رجيم يوم ازبط و يوم افطر و اتغدا و اخربها بالعشا ....


مرا تعبت من دا الموضوع كل اللي ابغاه اوصل للوزن اللي المفروض اكون فيه .....
اكتر شي موقفني و ما يخليني اقدر اكمل رجيم انو انا صعب اروح امشي في الممشى كل اللي اقدر عليه اساوي تمارين في البيت ........


يتبع ...~~~
روآن ياناسو
class="quote">اقتباس : المشاركة التي أضيفت بواسطة اسيل 90:
موووفقة ياقلبى ان شاء الله
امين يارب حبيبتي الله يسمع منك ...~
أمواج رجيم
موفقة ان شاء الله
الصفحات 1 2  3  4  5  ... الأخيرة

التالي

أنتي أيتها المتبرجة

السابق

بياااااااااض يجننننن حصلت عليه يابنات

كلمات ذات علاقة
... , تساعدوني , حارة , يومياتي