للحصول على شعر ناعم من غير كيراتين طبيعياااااااا

مجتمع رجيم / العناية بالشعر و قصات الشعر تسريحات جديدة
كتبت : ايليس
-
السلام عليكم اناحبيت اشارك معكم بهده المشاركة ولكن ارجو منكن التقققييييييييييييييييييم بليز لا تنسووووووووووووا التقييييييييييييييييييم.
بنات بقولكم شي قبل لاتبدون البرنامج
اول شي قصوا شعوركم المقصفه والمعدومه
.ولازم تمشون على الي مكتوب بالضبط
وهذا البرنامج
عزيزاتي هذ طريقتي الشخصيه في العنايه بشعري وطريقة تحوله من خشن مجعد إلى ناعم سايح , أولاً بقولكم أني من يوم كنت صغيره كانت أمي تصبغ شعري دوم حتى أصبح تالف وناشف ومنفوش ومجعد وهو أصلاً مايبي زود خلقه كان مجعد ومعلول المهم كبرت وكبر اهتمامي بمظهري .......... أهتميت بشعري ورحت لكل العيادات المُختصه بالعنايه بالشعر وقابلت الأخصائيه وقلت لها "أبي شعري ينعم" تدرون شنو ردت علي هه قالت بالحرف الواحد " حبيبتي شعرك ماله علاج " تقول مم ممكن نخف من خشونته شوي بس ما راح يتغير >>>>>> بنت اللذينا لو تشوف شعري اللحين قدمت استقالتها للمركز , المُهم أنا فعلياً ما أصابني إحباط إلا مؤقت كنت أعرف أن لكل داء دواء وأن اسرار الكون غير مكشوفه وكان عندي أحساس أن يوم بالأيام شعري بيصير مثل ما أحب , بعد مايئست من العيادات والطب قررت إني ألجئ لأسرار الحريم >>>>>> وما أحلاها
ومر على هالكلام يمكن أربع سنوات وأنا على نفس الوضع والحال كنت مرات أطنش ومرات أدور وأجرب والنتايج كلها سلبيه وما فادني شيء يذكر ,
وقبل ثلاثة أشهر بالضبط (حصلت المطلوب وأكتفيت) >>>>>>> هيه يا حريم بالله أذكرو الله ترى العين حق وترى اللي تعطي عين تُعتبر من الحساد والأهم أنها تأثم وحسناتها كلها تروح وتكون يوم القيامه من الخاسرين .^
قبل ثلاثة أشهر حصلت خلطه وأستنتجت خلطه ثانيه والثنتين هذيلا كان لهم مفعول معالج الكيراتين-لكن الكيراتين تدفعين فيه ألوف وهاذا مجاناً بالإظافه أن هذا يدوم للأبد والكيراتين أربع شهور بالكثير ويرد شعرك مثل أول ...
طيب الآن نجي للخلطة الأولى معروفه والكل يعرفها مثلي قبل أجربها >>> لاحظو شيء مهم أنا بقولكم النتايج بكل أمانه وأخلاص على كل الخلطتين ....... وطريقة أستخدامي لها
الخلطه الأولى خلطة الزبادي :
مقاديرها أربع سهله وموجوده بكل بقاله
- زبادي
-مايونيز
-زبده مذوبه
-عسل
* تخلطين المقادير مع بعضها حتى يكون قوامها كريمي
* الكميه على حسب كثافة وطول شعرك - وأما كميتها على شعرك أنا أغرق شعري فيها أكثرها وألف شعري بكيس هذا حق الساندويش وألبس طاقيه شتويه وألف راسي بشال من الأطراف حتى ماتسيح الخلطه أحطها على شعري وأنام فيها .
.............................. ........
الخلطه الثانيه من استنتاجي ونتايجها أحلى من الأولى
المقادير :
- حنا
-سمسم محموس ومطحون
-أملج مطحون
-زيت "أنا استخدم زيت النارجيل الأخضر
- ماء دافي
وطبعاً تخلط في الخلاط وقوامها لابد يكون كريمي .
برضو الكميه حسب طول شعرك وكثافته
ونفس طريقة الخلطه الأولى ...
الآن بقولكم النتايج :
خلطة الزبادي مفعولها مذهل وتأثيرها ع الشعر ترطبه وتعطيه لمعه خياليه وتبعد عنه الخشونه وتغذيه بشكل مُذهل >>>>> طبعاً مع الأستمرار
- ومن ناحية متى تظهر النتيجه ومرضيه يمكن من ثالث مره أو رابع مره
........................
نتايج الخلطه الثانيه خلطة الأملج المذهله
تزيل كل الطعجات اللي بالشعر وتكثر الشعر بقوه وتطوله بسرعه وتعطيه مظهر شعور الهنديات >>>> كلامي والله خالي من المُبالغه أي وحده تجربه تقول للبقيه ...
والأهمم الأهم ثم الأهم تتبعين هذه الخطوات وغير كذا أنسي كلامي كله
- تحطين اليوم خلطة الزبادي
-تصحين من النوم تغسلين شعرك بشامبو (اللي يناسبك)
- إذا كان شعرك جاف مره حطي زيت أو كريم للترطيب ضروري وإذا لا مايحتاج
-اليوم عندك إجازه اتركي شعرك يرتاح
-اليوم الثالث من بداية البرنامج تستخدمين خلطة الأملج >>>>> خلطة الأملج بسبب الزيت ماتجفف الشعر ولو أنها بدون زيت راح تجفف لك شعرك لأن الحنا يجفف الشعر "لذا ضروري الزيت في الخلطه
-نفس الشي اليوم الثاني إذا كان شعرك جاف حطي زيت أو كريم وإذا لا مايحتاج
(ملاحظه لازم تتركين شعرك يوم يرتاح فيه من الزيوت والخلطات)
-ثم اليوم الثالث ارجعي لخلطة الزبادي
وكرري الخطوات ..

وصدقيني راح تلاحظين النتيجه من أول مره بس يعني شي بسيط - لكن الأهم والأروع هو يوم تشوفين شعرك سايح بعد ثلاثة شهور وإذا حافظتي عليه جد وماتركتي البرنامج ولا مره يمكن في شهرين يبهرك.

اتمني يفيدكم وكمان لاتنسو تقييمي والرد للتشجييييييع
ملاحظة:::للامانة منقوووووووووووووووووووووووووول
بسسسسسسسسسسس جربت الخلطة الاولى بنت جيرانه ونفعتها كتيييييييييييييرررررررررر
كتبت : أمواج رجيم
-
تجربة رائعة وناجحة
ان شاء الله الكل يستفيد منهن
كبري الخط
تقييمي
كتبت : ايليس
-
شكرا لك علي الرد والتقييم لاني جديدة واتمنى يتفاعلو معاي البنات حتى بالملاحظات لكي استفيد منكن حبيباتي.
كتبت : طالبة الفردوس
-
يسلموو على الموضوع غاليتي
تقبلي مروري


كتبت : Hayat Rjeem
-


حلوة الخلطة دى سمعت فعلا بتجيب نتيجة كويسه
كتبت : نسمة غروب
-
يسلمووووووووووو
من جد محتاجه مثل هالخلطات متعقده من شعري
الصفحات 1 2