فضفضة من جوه القلب

بسم الله الرحمن الرحيم انا هاتكلم بصراحة واعذرونى لانى مش بعرف اكتب اصلا انا دخلت المنتدى هنا وحبيته جدا جدا وحسيته انيسى وصديقى اللى حاسيين ببعض...

مجتمع رجيم / أرشيف رجيم
ام عبد الرحمن ويوسف
اخر تحديث
فضفضة من جوه القلب

بسم الله الرحمن الرحيم


انا هاتكلم بصراحة واعذرونى لانى مش بعرف اكتب اصلا

انا دخلت المنتدى هنا وحبيته جدا جدا وحسيته انيسى وصديقى اللى حاسيين ببعض

وحبيت كل العضوات وحبيت فيهم اصرارهم وارادتهم وعزيمتهم وصبرهم للوصل لحلمهم اللى ان شاء الله هايصبح حقيقة باذن الله

هاتكلم وابوح باللى فى قلبى واللى لا يمكن ابوح بيه لحد اى ان كان

نفسيتى تعبت ومش مبينة للناس اللى حواليا نفسى اعيش سنى

عايزة اللى يشوفنى ما يقوليش يا حاجة مع انى صغيرة انا 29 سنين بس

كان وزنى فى الاول جميل جدا وكنت رشيقة جدا

انا فى الاول قبل 8 سنين كان وزنى 70 كيلوا

فيه بنات دلوقتى هاتضحك وتقول 70 كيلوا ايه وبتقولى على نفسك رشيقة

ايوه انا كان عاجبنى شكلى و حباه ومش عايزة اكون اقل من كده لانى مش بحب الرفيعين قوى

انا روحت لكذا دكتور وكنت بياس بعد شهر واحد من المتابعة وكان وزنى بيزيد فى كل مرة ابطل فيها رجيم

وبقالى فترة طويلة مش حاطة فى دماغى انى اروح لدكتور واتبع نظام تانى لان ما كانش فيه عزيمة وكنت محبطة وعاملة نفسى مش واخده بالى


لحد ما عزمت وبيت النية انى اروح لدكتور

واتبع معاه نظام غذائى وكلى اصرار وعزيمة وصبر ( ان الله مع الصابرين )

وفعلاااا روحت لدكتور وتوكلت على الله تعالى فى الموضوع ده

وكنت اخر مرة اوزن نفسى فيها كان من 4 سنين تصوروا وتتخيلوا كده

اوزن نفسى ليه وانا عارفة ان وزنى زايد وبيزيد هاحرج نفسى قدام نفسى ليه خالينى ساكته احسن

وزنت نفسى اخيرا لاقتنى 113 كيلوا كتير قوى قوى قوى انا عارفة ومكسوفة منكم ومكسوفة من نفسى ومن اللى حواليا هاتقولوا عليا اكيد مستغربين وبتقولوا كل ده

بس فى نفس الوقت فرحت جدا لانى كنت فاكرة وانا رايحة للدكتور وهاطلع على الميزان هلاقينى 120 او 130

فقلت نص البلاء ولا البلاء كله الحمد لله على كل شئ وربنا معايا ومعايا

عايزاكوا بقى تشجعونى وتدعولى وتصاحبونى

معلش طولت عليكم لانى جبت اخرى بصراحة وانتم اللى شجعتونى بحكايتكم اللى كلها امل واصرار

نفسى البس ملابس تناسبنى

نفسى احس انى حلوة ان شالله قدام نفسى

نفسى احس انى طبيعية زى اللى فى سنى وما اتكسفش ان قرايبى واصحابى يشوفونى فى اى وقت

وقبل ده كل عايزة احافظ على صحتى

ادعولى يا بنات بالله عليكم

وعايزين نكون اصحاب واخوات فى الله وكل حاجة حاسة بيها هاكتبها هنا على يومياتى

واى تغير حصل لى هاكتبه برده هنا


معلش اعذرونى طولت عليكم وزهقتكم

بس ده من عشمى smile11.gif

ام عبد الرحمن ويوسف
لا اله الا انت سبحانك انى كنت من الظالمين

لا اله الا انت سبحانك انى كنت من الظالمين

لا اله الا انت سبحانك انى كنت من الظالمين
أمواج رجيم
عليك بالمشي يوميا نص ساعة
وقللي من الاكل وحافظي على
العصيرات والسلطة والفواكه
وابتعدي عن الدهون والمشروبات
الغازية والقلي
واشربي عصير اناناس بدون سكر
وبسكويت نخالة دايجستف
واي شاهي بدون سكر
اتمنى اني افدتك
تقديري
طموح لايعرف اليأس
السلام عليكم
يا أختي مشوار الميل يبدأ بخطوة
فانتي بما انك احسستي بالخطاء وقررتي العلاج منه وعزمتي
فانتي في بداية الطريق
وتعتبري عديتي كذا مرحلة ، فسيري ................وتوفيق الله يرعاك
موفقة باذن الله
ام عبد الرحمن ويوسف
class="quote">اقتباس : المشاركة التي أضيفت بواسطة عطرالفل:
عليك بالمشي يوميا نص ساعة
وقللي من الاكل وحافظي على
العصيرات والسلطة والفواكه
وابتعدي عن الدهون والمشروبات
الغازية والقلي
واشربي عصير اناناس بدون سكر
وبسكويت نخالة دايجستف
واي شاهي بدون سكر
اتمنى اني افدتك
تقديري
شكرا يا حبيبتى على المعلومات القيمة الغالية اللى نصحتينى بيها

وبتبع على قدر الامكان النصائح بتاعتك اللى هى نفسها نصائح الدكتور
بس المشى اللى مش مواظبة عليه مع العلم انى بمشى على فترات متباعدة وبمدد قليلة الى حد ما
ام عبد الرحمن ويوسف
class="quote">اقتباس : المشاركة التي أضيفت بواسطة طموح لايعرف اليأس:
السلام عليكم
يا أختي مشوار الميل يبدأ بخطوة
فانتي بما انك احسستي بالخطاء وقررتي العلاج منه وعزمتي
فانتي في بداية الطريق
وتعتبري عديتي كذا مرحلة ، فسيري ................وتوفيق الله يرعاك
موفقة باذن الله
فعلا طريق الميل يبدا بخطوة

كلامك صح وعندك كل اللحق

والله المستعان ويقوينى ويقوينا كلنا
الصفحات 1 2  3  4 

التالي

يوميآتي لـ 7 اسابيع :$ ( دعوآتكممَ )

السابق

صور من عبادة السلف رضوان الله عليهم

كلمات ذات علاقة
القلب , حنه , فضفضة