صينية مكرونة على الطريقة المكسيكية... بالصور

السلام عليكم ورحمة الله وبركاته

نقلتلكم طبخه بس (ممممممم)

هذي الطبخة أخذتها من كتاب مكسيكي، ولما طبقتها وطلعت لذيذة قلت لازم اشاركها مع اخواتي العرايس...

هذي الكمية تكفي لشخصين... وبسم الله نبدأ...

نص باكت مكرونة سبيغاتي (أنا كسرته بالنص)
يسلق مع ملح و 2 ورق غار، وتصفى و تترك جانباً...



2 هوت دوغ مقطع شرائح، أي نوع تفضلينه...أنا استخدمت نوع سبايسي
بصلة صغيرة مفرومة
2 فص ثوم مفروم
نص حبة فلفل بارد مفرومة

في مقلاة عميقة، نحمي شوية زيت ونحمر فيهم الهوت دوغ



نضيف عليه البصل والثوم والفلفل، و نحركهم مع بعض حتى تصير الخضار طرية وتتحمر



3 حبات طماط وسط، مقشرة ومقطعة
2 أو 3 ملاعق كبيرة معجون طماطم
كوب ماء

نخلط هذي المقادير في الكاس الخلاط


بعدين نضيفها للمقلاة مع الهوت دوغ والخضار، ونضيف لها:
نص مكعب ماجي
ربع ملعقة صغيرة كمون
ربع ملعقة صغيرة فلفل أحمر
رشة أوريغانو
ملح حسب الرغبة

ونتركها تغلي لمدة 5 دقايق




بعد كذا نضيف لها السبيغاتي ونقلبها و ننقل المقدار لصينية فرن عميقة



نجيب كوب جبن تشيدر مبشور ونرشه على وجه الصينية



ندخل الصينية في الفرن لمدة نص ساعة، وهذا شكلها بعد ما تطلع من الفرن





منقوووووول