مجتمع رجيمالاطباق المتنوعة

شرحات ستيك مع صلصة الفطر .. من مطبخي






هاي واحدة من أشهى الأكلات عندي .. أنا بفضل اللحم أكتر من الدجاج

جربوها وما راح تخسروا

~ المقادير ~
كيلو ستيك سميك يقطع إلى شرحات
علبة فطر مقطعة
3 ملاعق زبدة
ملعقة زيت زيتون
شوية بقدونس مفروم
ملعقة ونص طحين
كوب ونص مي
فلفل حر أخضر - إختياري
مكعب ماجي

~ خلطة الستيك ~
شوية ملح
بهاراتك المفضلة (فلفل أسود، كمون، مسالا، كاري، قرفة، كبسة، سمك .. اللي بتحبيه بس انتبهي ما تكتري ازا راح تحطي شوي من كل نوع. بـِ راس الملعقة الصغيرة يعني)
مكعب ماجي
ملعقة صغيرة خل أبيض
ملعقة صغية خل بلساميك
ملعقة صغيرة صويا صوص
ملعقة صغيرة صوص HP للستيك
وشوية مي



~ الطريقة ~
  • يوضع الستيك بعد تقطيعه في علبة حفظ و يغطى بـِ خلطة الستيك ثم في الثلاجة لـِ ساعتين على الأقل
  • بعد مرور ساعتين، حمي مقلاة غير لازقة على النار وحطي فيه ملعقة زيت زيتون والستيك مع الخلطة.. غطيها وخليها على نار هادية لحد ما تستوي اللحمة (تأكدي إنه المي ما تنشف لأنه راح نستعملها بعدين) .. وبس تستوي صفيها وحطيها ع جنب
  • بمقلاة تانية حطي ملعقة زبدة وقلبي الفطر المقطع لحد ما تحسيه استوى. حطيه عليه شوية بهار ازا حبيتي بس بدون ملح وبس يستوي خليه ع جنب
  • بـِ مقلاة اللحمة، حطي ملعقتين الزبدة اللي ضلوا على نار هادية وقلبيهم .. قبل ما يدوبوا عالآخر زيدي مقدار الطحين وكمان قلبيهم شوي وانتبهي ما ينحرقوا. وازا حسيتي الطحين جمع على بعضه فكيه بشوية مي صغيرة
  • ضيفي المي ومكعب الماجي اللي ضل عالطحين بعد ما تحسيه اندمج مع الزبدة وصارت ريحته الطيبة تطلع (ازا حسيتي الصوص سميك ومحتاجه انك تضيفي مي ضيفي شوي بس ورخيه متل ما انت بدك)
  • آخر شي ضيفي عليه الفطر والبقدونس المفروم وازا حبيتي تخلطيه باللحمة كمان
يقدم مع رز بسمتي أو بطاطا بيريه




وصحة وألف هنا








وصفة شهية وكثير طيبة
شرحات ستيك مع صلصة الفطر
من احب الاكلات لى
يسلمو ايدينك الحلوة ياقلبى
وان شاء الله نشوف تطبيقها من تصويرك قريب
واحلى تقييم لعيونك

اقتباس : المشاركة التي أضيفت بواسطة ~ عبير الزهور ~:
وصفة شهية وكثير طيبة

شرحات ستيك مع صلصة الفطر
من احب الاكلات لى
يسلمو ايدينك الحلوة ياقلبى
وان شاء الله نشوف تطبيقها من تصويرك قريب
واحلى تقييم لعيونك



إيه تكرم عينك حبيبة قلبي

أنا كتير بسويها وباكلها .. مبارح تعشيت منها على طريقة الريجيم ههههه

وتفضلي ندوقك ياها كمان .. أهلاً وسهلا ً فيكِ يا قمر
تسلم ايدك يالغلا شكلها شهى
يمي يمي يمي يمي يمي يمي يمي يمي
شكلها لذيذ أكلة كثير أحبها بس ما أسويها
لما نروح نتعشى في مطعم أطلبها
أحسنتِ وأبدعتِ أتمنى أشوفها
من تصويرك حتى أتعلمها
تحياتي لكِ حبيبتي
شكراً جزيلاً
1 2 
كلمات ذات علاقة
مطبخى , الفطر , صلصة , ستيك , صرخات