my journey began رحلتي لمدة 10 أسابيع
مجتمع رجيم / أرشيف رجيم
كتبت :
قطوة سودا
-
أول شي حبيت أعرفكم بنفسي
اسمي علياء
عمري 27 سنه
طولي 154
وزني 84.5
انا أصلاً وزني 82 بس الحين بتيني الدورة وقفت عالميزان شفت 84 ^_^
طبعاً أنا مو أول مره أسوي رجيم وتقريباً جربت الكثير وبصراحة في فترة نزل وزني بسهولة وبعدها مريت بفترات أحس فيها وزني صعب ينزل
بداية رحلتي كان وزني 92
وليت أسوي رجيم ورى رجيم وأرجع اخبص لين وصلت 78
ورجعت بعد خبصت خبصات مو طبيعية ووصل وزني 84 ومرات 83 ومرات 82 ويرجع 84 وهكذا
عملت لنفسي جدول أكسل رهيب رهيب بمعنى الكلمة وهو عبارة عن جدول حساب الوزن بدقة وحتى السعرات اللي أخسرها فالنادي
ولكن كل هذا ما يكفي للوصول لشئ مبهر يلاحظه الكل ويستغرب
تعرفون المرحلة اللي تكونون فيها متغيرين 180 درجة
هي هذي المرحلة اللي عشانها قررت أبدى رحلتي من بكرا طبعاً راح احسبها لأني اليوم اضطريت اكل أكل ثقيل عشان الدواء اللي اخذه يبهدل معدتي
واكتشفت ان اهم شي اهم شي اهم شي للوصول للرشاقة هي المحافظة على الكتلة العضلية عن طريق الحصول على نسبة كافية من البروتين وممارسة الرياضة
وبما ان رحلتي نوعاً ما طويلة قررت الآتي:
راح أبدأ من بكرا رجيم السوائل
وأقفل فمي عن الأكل اللي ماله معنى
طبعاً فيتاميناتي جاهزة
وعندي كم نوع شاي شريتهم من نيوترشن
وراح يكون اكلي
شوربات
عصائر
لبن
حليب
زبادي
أيس كريم مرة فالاسبوع
الخميس Open Day
طبعاً هذا الرجيم ماراح يكون 10 اسابيع
إحتمال أغير ولكن كبداية انا حابة أجربه لأن هالرجيم الوحيد اللي ما جربته ههههههههههههههههههههههه
وطبعاً سجلت معاكم لأني بالفعل محتاجة اخوات يساندوني
الله وكيلكم اكثر اللي حولي من يعرفون اني ابي اسوي رجيم انواع الاحباطاتاللي تقولي مو مبين
واللي تقولي بعدج مستمرة ولا ها كالعادة قطعتي
أنا اتمنى اكون عند حسن ظنكم وما ودي أقطع انا هالمرة عزيمتي قوية جداً جداً
لأني وايد انجرحت بسبة هالوزن
آخر مرة كنا قاعدين بعزيمة وشوي تحركت قمت أعرق والا أسمع وحدة من اهلي تقول مو منج من هالوزن خفي خفي
وأخوي من يومين وهو طالع من غرفته يقول شو هذا خفي لا تزعلين مني بس جسمج خايس
طبعاً أنا مو متزوجة وشكي لو تميت جذي ما بتزوج
بسسسسسسسسسسسسسسسسسسسسسسسسسسسسسسس خلص المسلسل الحزين
والحين ندخل في احلى مرحلة وهي مرحلة لا يأس ولا ملل
والارادة قوية
والعمل مستمر
وان شاء الله بإذن واحد احد راح انزل وأنا في احسن صحة وحال
والله مابي منكم إلا التشجيع وصدقوني راح ادعيلكم ليل نهار
وبالمرة لو نجحت فتجربتي يمكن أفيد غيري
بالنسبة لجدول الإكسل حبيت أشرح لكم شوي عنه
هو جول كل يوم اكتب في اول خانة وزني وفي الخانة الثانية وزني ثاني يوم
وطبعاً مرات انقص
200 جرام
ومرات 500
ومرات 300
والخانة الاخيرة تحسب وفالنهاية أتشجع
يطلع المجموع تلقائياً كيلو كيلو ونص 3 المهم اني نزلت حتى لو 100 جرام أفرح فيهم وأقول الحمدالله
^_^ وايد وايد وايد تكلمت بس شسوي بروحي وما عندي حد إلا انتو واتمنى أكون خفيفة عليكم واكون عند حسن ظنكم