قرنون محشي من مطبخي
مجتمع رجيم / تطبيقات أطباقنا الخاصة
كتبت :
فرااشة
-
السلام عليكن
اخواتيم اليوم نقدم
لكم طبق طيب بزاف بزاف واكيد راح يعجب افراد عائلتكم
المقادير
للمرق او الصوص
حبة بصل كبيرة مرحية+1 ثوم زيت +ملح+كسبر مرحي+فلفل اسود+ شوية دبشة +معدنوس مقطعين وجلبانة (بزلاء) انا استعملت 1كلغ
للاعشاش
قرنون و اللي يسميه خرشوف مثلماا مكتوب في العلبة خرشوف حسب افراد العائلة انا استعملت المجمد لكن القرنون الطبيعي افضل من المجمد ويطهى بسرعة على عكس المجمد اللي يطول في الطهي
250غ لحم مفروم وممكن اكثر حسب الكمية القرنون اللي عندك +بيضة +2سنات ثوم+شوية معدنوس مقطع+ملح وفلفل اسود
50غ جبن ميزان نوع باربار تقطعيه الة مربعات
كمية من الزيتون الاخضر تكوني نزعتي منه الملح
جبن روج او قرويار رابي
التحضير
حطي الزيت والبصل والملخ والكسبر والفلف اسود وشوية دبشة او حشيش ومعدنوس مقطع
اقليهم شوية ومرقي بالماء انزعي شوية من الصوص وحطيها على جنب وزيدي كمية البازلاء وحفنة من الزيتون اغلقي وخليها تغلي ثم نقصي النار وخليها على نار متوسطة من ساعة ونصف حتى ساعتين
لاني بصراحة نفضل الجلبانة مطهية منيح
في هدا الوقت اخلطي اللحم المفروم مع البيضة والثوم والملح والمعدنوس والفلفل اسود
اعملي شوية كرات اضيفيهاا للمرق و اتركيها تطهى مع الجلبانة
اما كمية الصوص اللي احتفضتي بيها حطي فيها كمية القرنون على نار هادئة حتى تطهى الحبات وتصبح طرية
اتركيها تبرد
احضري الكمية المتبقية من الزيتون المغلي
اقسمي كل حبة زيتون على 2 من غير ماتقطعيها ولصقيها في قطعة الجبن واضيفي لصقي واحدة مقابلها بنفس الطريقة
احضري شوية من الجبن
وفوقه قطعة الجبن والزيتون
وغطي باللحم المفروم
اكملي بنفس الطريقة مع باقي الحبات
في صينية الفرن حطي المرق اللي طهي فيه القرنون وحطي حبات الخرشوف ودخليها للفرن على 220 20دقيقة
عندما يطهى اخرجيها وغلفي وجهها بالجبن المبشور و ارحعيها من فوق حتى يذوب ويصبح لونه ذهبي
تطهي الجلبانة ويصبح مرقها قليل وخاثر حطيها في صحن التقديم وفوقها حبات القرنون وزيني بالمعدنوس وشرائح ليمون
و هكذا شكلها من الداحل يمممم
اتمنى ينال اعجابكم بانتظار تعاليقكم
