من 1 يونيو الى 20 يوليو

يا أم لبنى اللى انتى بتعمليه دة جنان مفيش حد بيقف ع الميزان بعد الرياضة لان العضلات بتكون اتشدت وتقلت ومفيش حد يقف ع الميزان إلا الصبح قبل ما تضعي إي شيء فى فمك حتى لو كوب ماء
والميزان أصلا المفروض يكون مرة واحدة بالأسبوع اللى حصل انك لما وزنته ولقتي نفسك زدتى نص كيلو أحبطتى تاني عشان كدة أنسى الميزان خلى هدفك بس 2 كيلو فى الاسبوع واشتغلي ع الهدف دة طول الاسبوع وخلى يوم الميزان يوم عيد انك لازم تكوني نازلة فى الوزن وساعتها تأخدى وجبة فري تآكلى فيها كل حاجة اشتهتيها
على فكرة انا زيك بليل بضعف اوي بس اللي مخليني ما سكة نفسي أن مفيش وقت ع السفر ع الأقل يا أم لبنى نوصل لل80 قبل ما نسافر وحلو آوى أن انا وانتى نفس الوزن بالضبط 94 فالمنافسة بنا هتكون أقوى
بصي انا عندي عزومة يوم الأربعاء الجاى عشان كدة هكمل رجيم ومش هوزن إلا الأربعاء الصبح. يعنى بعد أسبوع بالضبط من الآن يلا انا وانتى نعمل تنافس مين هي قدر يخس اكتر الاسبوع دة ونأخذ الأربعاء فري آوى حاجة تشتهيها اثناء الاسبوع كاتبيها فى ورقة على أساس انك هتاكليها فى الفري وكدة نفسك هتكون راضية وتقدري تقاومي