ذكريات اصدقائي الرمضانيه الممتعه ج5

مجتمع رجيم / الموضوعات المميزه فى بنوتات
جنه الفردوس ..
اخر تحديث
ذكريات اصدقائي الرمضانيه الممتعه ج5

[frame="11 95"]
اصدقائي الرمضانيه 237776.gif







اصدقائي الرمضانيه 240274.gif


اصدقائي الرمضانيه z01lere3y1cy6h37oex.


ذكريات اصدقائي الرمضانيه الممتعه ج5

اصدقائي الرمضانيه 240274.gif




رمضان سعيد عليكم جميعاً يارب وربنا يتقبله
منا ومنكم ويرضا عنا جميعاً

واشوف الجميع بكل خير وسعادة ودايماً متجمعين عالخير




اكيد رمضان زمان عندي غير رمضان دلوقتي بكل الوسائل ,

بمعنى
زمان كانت اجمل ايام حياتي بكل شئ حتى وقت زعلى
زمان لما بفتكر اسبابها دلوقتي بضحك من قلبي عليها ,

قد ايه طفولتنا كانت بريئه وجميلة
مش جيل دلوقتي
, عيال شمحطجية وبيجعروا ولا كإنهم عربجية مع الاعتذار
الكامل للاخوه العربجية دي شغلتهم ,

انما جيل ايه المهبب ده اللي كله عربجيه ،
لكِ الله يامصر , ويستمر مسلسل عهاتك يابلدي اصدقائي الرمضانيه 240276.gif


المهم ياجميلتي , كنت بعمل بلاوي مسيحه بكل الانواع والاشكال


يعني يعتبر بدأت صيام من وانا اطفول صغيور بتاع 6أو 5 سنين , بس عايزة الحق ههه كنت ساعات اجري افتح الحنفيه بشووويش واشرب شويه ميه صغيورة واقول نقطتين مش حيفطروا انا عطشانه بقي وربنا عارف ان انا عطشانه هههه ،

وفاكرة مرة ماما كانت جايبه جندوفلي وانا زمان كنت بمووت فيه ، فالمهم دخلت المطبخ واكتشفت ان ماما خلصته وجاهز وانا مش قادره استني للفطااار ياعالم قدروا حبي ليه سيبوني عليه سيبوني عليه ههه


اكلت واحده ومحدش واخد باله وشويه اكلت التانيه ومحدش واخد باله ههه ال3 دخلت المطبخ تااني محمد اخويا قفشني ، قالي انتي صايمه ولا فاطره ، اقوله صايمه طبعا يقولي اومال ايه ده اللي بتكليه قولتله يلاهوي نسيييت هههههههههه
وهو ياقلبي مفكرني نسيت بجد قالي طيب اجري بسرعه ارميه من بقك ومضمضي بقك وقولي استغفر الله انا نسيت هههه كنا لسه اطافيل كلنا هههه

وانا بقيت ببصله بغيظ ما تسيبني اكلها بقي وخلاص وبعدين حروح امضمض بقي منا خلاص حبلعها وده مصمم ابدااا ، قولتله طيب انا حرميها اهو هههه
ورمتها فعلا ، المره ال4 ظبطوني كلهم اصدقائي الرمضانيه 240277.gif قولت يوووه خلاص بقي غصب عني ، راح محمد ومحمود قعدوا يغنولي يافطرانة رمضان يا خاسرة دينك ، سكينة الجزار تقطعلك مصارينك وانا قعدت اعيط عياط يلاااااهوي زعلت بجد منهم فضحوني بالبيت كله الحقوا إيمي فطرت انهارده اصدقائي الرمضانيه 240277.gif بابا لما جه زعق ليهم وزعل منهم عشان اللي عملوه معايا وقالي خلاص متزعليش ، بس مره تانيه متعملهاش ، قولتله حاضر يابابا ومن ساعتها ، عندي كلمه صيام يعني صيااااام

كنا كل يوم بعد الفطار بابا بيدينا مصروفنا ، ننزل نجيب حاجات حلوة ونجمع عيال البيت كلهم ونروح نشتري انا بموووت بالعسليه والمصاصه وغزل البنات والشيبس بطماطم هههه ونعمل نفسنا قال يعني السلم ضلمه وكل واحد ياخد فانوسه ابو شامعه وينوره وينزل بيه

ولما نطلع من كلنا كل واحد يدخل شقته ويقعد شويه ياكل الحاجه الحلوة بتاعته وبعدين كلهم يجيو عندنا الشقه ، كان الكل بيحب بابا وماما ويحبوا يدخلوا عندنا ويهيصوا ، اصل بابا مش راجل نكدي وفري ويحب يفرحنا كلنا ، الله يرحمه

كان بيولعلنا الشمع واحنا ننزل ونلعب ويجي ابن خالتي يرخم علينا ويطفلنا الفوانيس واللي فانوسه يطفا منه يمسك فى خناقه ويزعق فيه ويجري على بابا يولعهوله وبابا يزعق لعمرو عشان يبطل يغلس علينا , اييييييييه كانت ايام

وكان بابا بياخدنا نروح لجدو ، بيكون جدو محضر اللعب بتاعتنا نلعب بيها معاه وعمتي تعمل حسابها في الفوانيس الصغيورة اللي جواها ملبس وحمص ههه بموت فيهم انا وبتكون معلقه الزينه عالسلم .
كنت اطفول الشقاوة عنواني ليا خبطه معينه الكل عارفني بيها ، عارفه اني صوت الحصان لما يجري عالارض ، كيف بيكون صوته! اهي دي خبطتي المميزة كنت اخبط كده واغني من بره واعمل فرح ههه يقولوا الصداع جت اهي ههههه


ولما كنت بروح المدرسه برمضان بابا حبيبي ، كان بيجي يجيبنا كنت انا ومحمد ومحمود بمدرسه واحده وكمان معظم ولاد العيله وبنات العيله ان لم يكن كلهم الا القليل اللي بمدرسه اخري يعني يتعدوا على صوابع اليد الواحده اللي كانوا مش معانا ، انما احنا كنا جييييييش اطفال بيطلع من البيت نروح المدرسه كنا كتيبه ولينا هيبه بالمدرسه نروح ونيجي مع بعض ، كان بابا متفق معانا حيقفلنا عن المكتبه اللي اودام المدرسه نروحله هناك ولو طلعنا بدري ومكنش لسه جه نقف كلنا نستني بعض ونستناه اتاخر شويه يبقي كلنا نمسك بإيد بعض ونروح للبيت

ياااااااااه فرحه قلبي وانا طلعه بجري من الفصل او ما الجرس يضرب وانط عشان اجري اول واحده على حضن بابا هههه ايييييييه قديش بموت فيك انت بابا مشتقالك كتير اصدقائي الرمضانيه 240279.gif وصدقيني لو فضلت اتكلم عن ايام زمان وحلوتها ههه الصفحات
اما عن رمضان دلوقتي , فللأسف وبإختصار شديد , بعد وفاه بابا

اصبحت حياتي بلا حياة , لا حاسه بمعني فرحه رمضان او عيد او اي شئ

مافيش غير الحزن اللي عايش جوايا ، بس بضطر اضحك واهيص واشاغب عشان خاطرهم بالبيت مش اكتر مش عايزة حد يشيل هم حزني , مبحبش حد يشغل راسه بيا بمعني اصح ولا يهتم لآمري , ولو حد حاول بتعامل معاه بكل عنف وقسوة ليسبني في حالي باللي انا فيه وبس .


وكفايه بقي رغي ،
ورمضان سعيد عليكم يارب

align="left">







ودي وحبي لكم

جنه الفردوس



[/frame]
شذى الريحان

ما شاء اللهُ!

يا الله؛ ما أجمَلها من ذكرياتٍ!

بوركتِ أختاهُ ولا حُرمتِ الأجر؛
لإسعادنا بهذي الذّكرياتِ.

لكَم أنسِتُ بها يا غاليةُ!

رحِمَ الله الوالِد وعَفا عنهُ وغفرَ لهُ.
وليسَ كفقدِ الوالِد فَقدٌٌ!

واللّهمّ ارحَم سائِر مَوتى المُسلمينَ.
وحَفظَ ربّي لكِ إخوانكِ وأمّكِ، وأهلكِ جميعًا.
هي الدّنيا هكذا؛ ثفاؤها لا يَدومُ يا حَبيبةُ.

أسعدَكِ ربّي سعادةً لا شَقاءَ بعدها،
وحفظكِ ورَعى.


جنه الفردوس ..
واللّهمّ ارحَم سائِر مَوتى المُسلمينَ.
وحَفظَ ربّي لكِ إخوانكِ وأمّكِ، وأهلكِ جميعًا.
هي الدّنيا هكذا؛ ثفاؤها لا يَدومُ يا حَبيبةُ.
منوره الموضوع يا قلبي انتي سلمتي وسلم قلبك ولسانك لللمشاركه الرائعه
والله لا يحرمني من تواجدك معي دائما
ارجو المتابعه معي دائما

Hayat Rjeem
جنه الفردوس ..
نورتي يا قلبي انتي
•● JooRé Rjéèm ●•
الصفحات 1 2 

التالي

ذكريات اصدقائي الرمضانيه ج6

السابق

ذكريات اصدقائي في ايام رمضان ج 4

كلمات ذات علاقة
الممتعه , الرمضانيه , اصدقائى , ذكريات