انا و رجيم الهرم الغذائي بهاء ناجي

مجتمع رجيم أرشيف رجيم
الكاتبة: أم ليان وعمرو

انا و رجيم الهرم الغذائي بهاء ناجي

حكايتي طويلة مع الرجيم و تجاربي كتيييييرة و طبعا اتعرفت على أسرار كتيرة من أسرار الرجيم

من اهم اسرار الرجيم الاستمرارية في الرجيم لغاية الوصول للوزن المطلوب بدون انقطاع نهائيا الموضوع محتاج شوية صمود و أصرار

من أسرار الرجيم المهمة ايضا عدم اتباع الرجيمات القاسية و الرجيم الكميائي لانها تخرب نزول الوزن بعد اتباعها ده غير الزيادة بتكون بالضعف

من اسرار الرجيم ايضا لازم لازم اخذ حبوب فيتامينات لانها ضرورية جدا للمحافظة على الشعر و البشرة حتى و لو كان الرجيم متوازن لازم يكون معاه فيتامينات



من انجازاتي مع الرجيم


وصل وزني بعد و لادة ابنتي الاولي من 63 كيلو الي 97 كيلو بسبب اهمالي في نوعية الاكل و الاقبال على الحلويات كنت بحسب ان وزني ده كله من الحمل و لكن بعد الولادة لقيتني زي ما انا
انتظمت على الرجيم و الرياضة لمدة سنة و نزلت الي 72 كيلو

بعد و لادة ابني زاد الوزن الي 88 كيلو و بعدها استمريت على الرجيم لمدة 9 اشهر و نزلت مرة اخري الي 72 كيلو الحمد لله ده طبعا بمساعدة اعز اصحابي في المنتدي فرح كنا فريق كله حيوية و نشاط و اصرار و حب و مودة

و بعد ما تركت الرجيم ثبت وزني على 72 كيلو لمدة 4 شهور و لكن بعد رمضان و العيد زاد مرة اخرى الي 79 كيلو

الان انا عايزة الحق نفسي قبل ما ادخل على الثمانينات مرة اخري


انا عندي معلومات كتيرة عن التخسيس بالرياضة و الاعشاب و انواع الرجيمات ده طبعا من تجاربي الشخصية و تجارب اصحابي الي شاركوني مشواري للرشاقة
أسألوني عن اي شئ ان شاء الله ارد عليكم على اد ما استطيع و على اد معرفتي



و سوف اتبع رجيم الهرم الغذائي لبهاء ناجي و يارب اوصل لل70 كيلو يارب



مش مهم الوقت المهم الاستمرار للوصول للهدف




ان شاء الله انا حكتب الرجيم الاسبوعي كل يوم سبت

من تحب مشاركتي اهلا بها من كل قلبي المنافسة لها دور كبيير جدااا لنجاح الرجيم


الكاتبة: أم ليان وعمرو

رجيم الاسبوع الاول



الافطار ثابت طول الاسبوع

كوب شاي او نسكافيه بلبن خالي الدسم+ملعقة عسل نحل ضروري جدا عشان تعلي الحرق في الجسم +قطعة جبنة بيضاء أو بيضة مسلوقة + رغيف سن او 2 توست رجيم او نصف رغيف بلدي



العشاء ثابت طول الاسبوع

2 ثمرة فاكهة + كوب زبادي خالي الدسم



الغداء

اليوم الاول \مفتوح وممكن يكون في حلويات بعد الغداء باعتبارها مع الوجبة

اليوم الثاني\ربع دجاجة مشوي او مسلوق او في الفرن + خضروات مطبوخة باي طريقة و لكن بنصفيها كويس +سلطة

اليوم الثالث\ربع دجاجة + خضروات مطبوخة + 4 ملاعق ارز + سلطة

اليوم الرابع \نصف كيلو سمك مشوي او في الفرن + سلطة

اليوم الخامس \علبة تونة مصفاه + 8 ملاعق مكرونة + سلطة

اليوم السادس \ثمن كيلو لحم بقري + خضروات + سلطة

اليوم السابع \ 8 ملاعق فول + سلطة + رغيف سن



يارب بالتوفيق

الكاتبة: شوشو0

شوشوووووووووووووو ازززززززيك ووووووووحشتينى مووووووووووووووت
شكلك رجعتى من مصر زىى
انا كمان كنت خسبت لوصلت لل 80 ورجعت دلوقتى بعد العيد ورمضان الى 87وكمان عندى انيميا شديدة بسالحمد لله و لانى كمان حملت وانا بالاشهر الاولى
فانا هكمل معاكى بس برجيم الحامل يعنى بزو\حاجات علي حاجتكو
الكاتبة: أم ليان وعمرو

شوووووووووووووووشووووووووووووووووووووووووو
حبيبتي


وحشتيني اوي بجد فرحت اوي لما شوفتك

و مبروووووووووووك الف مبرووووك على الحمل والله نفسي أعملها زيك بس خايفة جدااااا ربنا يقومك بالسلامة يارب و تجيبي احلى بيبي

بس الرجيم ده قاسي شوية عليكي انت حامل لازم تخلي بالك من نفسك و اهم شئ امتنعي عن الحلويات احسن دي مع الحمل مش كويسة خالص

بوصي انت زودي عليه شوية و كتري سوائل عصير و لبن خالي الدسم



انا رجعت من زمان أنا هنا من قبل رمضان بأسبوع و طبعا رمضان و العيد زود وزني تاني و حبدا من تاني ربنا يسهل



و الله فرحت اوي بوجودك معايا




الكاتبة: أم ليان وعمرو

أفناااااااااااااااااان شكرا على اعجابك بالموضوع

و شكرا على أضافة الصورة انت شكلك كنت حاسة اني مش بعرف انزل صور هههههههه

شكرااا على الاهتمام

الكاتبة: أم ليان وعمرو

انا بدات الرجيم من يوم الاحد 1\9 و الوزن 79 كيلو


اليوم الاول

الافطار \ 2 توست محمص + بيضة مسلوقة + كوب شاء بالنعناع بملعقة سكر فاكهة

الغداء \ ربع دجاجة مشوية + طبق بامية مطبوخة و مصفاه كويس + خس

العشاء \ بطيخ

قبل النوم كنت جعانة اكلت 4 وحدات بلح + كوب لبن اكتيفيا لايت



و الحمد لله

الصفحات 1 2  3  4  5  ... الأخيرة

التالي
السابق