عجينة الكنز عجينة سهله واقتصادية (عجينة ال 10 دقائق)
فيكِ تعملى بيها اى معجنات ممكن ساندوتشات البرجر,البيتزا,الحواوشى الاسكندرانى,الكورواسون او زى ما تحبى
الحلو فيها انها خفيفه سريعه مفيهاش دسم غير نص كوب زيت تقريبا
هنا انا عملت معجنات محشية بالبلح لذيذه اوى والاولاد بيحبوها
المقادير
5 كوب دقيق تقريبا
نص كوب سكر
ذرة ملح
خميرة فوريه
حوالى 2 كوب ماء
1/2 كوب زيت تقريبا
3 معلقه لبن بودرة كبيرة (ممكن تستغنى عنهم )
سمسم
المقادير ممكن تختلف مع العجن لان العجينة بتاخد وت يعنى ممكن تحتاجى تضيفى دقيق او زبت عشان تلم
فى الوقت ده جهزت الحشو تمر عادى منزوع النوى وحطيته ع النار مع معلقه زيت ع الهادى لحد ما بقى طرى خالص
ممكن تحشيها بسطرمة او هوت دوج او جبنة او سادة زى ما تحبى
بعد كده حطيت بقيت المقادير وعجنت لحد ما بقت سهلة التشكيل (العجن بياخد وقت والعجينة فى البداية بتكون ملزقه)