ورق عنب بالزيت

السلام عليكم ورحمه الله وبركاته :) صباح/مساء الأوركيد كيفكم حبيييت اليوم اعلمكم طريقتي في الورق عنب بالزيت :smile06: يلاا نبدأ بسم الله المقادير:-...

مجتمع رجيم / الاطباق المتنوعة
شذى الاوركيد
اخر تحديث
ورق عنب بالزيت

السلام عليكم ورحمه الله وبركاته :)

صباح/مساء الأوركيد
كيفكم

حبيييت اليوم اعلمكم طريقتي في الورق عنب بالزيت smile06.gif

يلاا نبدأ
بسم الله



المقادير:-
*مرطبان ورق عنب>>>
انا كل فترة استخدم نوعيه بس للحين ما اكتشفت النوعية الكويسه اللي بستمر عليها حاليا انا استخدم العلالي انتو جربتوه وشوفوا اللي يناسبكم
* أرز مصري>>>>>على حسب كمية الورق عنب اللي عندك انا احط كوبين
*بصل للكشنة>>>>انا ما اكثر لأني ما احب البصل عاد انتو بكيفكم قد ما تبون حطوا smile19.gif
*زيت
*ملح وفلفل اسود
*بهارات
*ماجي
*بطاطس
*معجون طماطم

مقادرير الصلصة:-
*معجون طماطم
*ماجي
*ملح
*بهارات
*زيت زيتون
*دبس الرمان
*ليمون
*مويا

بتلاحظون ان اغلب المقادير اللي استخدمناها في طبخ الارز استخدمناها برضوا في الصلصة :)


الطريقة:-
اولاً نطلع الورق عنب من المرطبان نغسله بالمويا وبشويش نتعامل معاه حتى ما تتقطع الأوراق
وهي ان احنا نوجهه للحنفيه ونفصلهم عن بعض ورقه ورقه لحد ما تنزل المويا الحامضة اللي كان محفوظ فيها
بعدها نحط الورق عنب في مصفايه

ثانياً نغسل الرز كويييس وننقعه في مويا دافيه لمدة تقريبا ربع ساعه

ثالثاً وهي طبخ الرز بصلصة العادي بس كتبت التفاصيل عشان لو كان فيه وحده ما تعرف تتعلم :)
نحط الزيت والبصل في القدر ونحركه حتى تبدى اطراف البصل تشقر ونحط الرز المنقوع بعد ما نصفيه من المويا
نحط عليه تقريبا ملعقتين من الصلصلة او على حسب كمية الرز اللي مسوينه
ونحط الماجي والبهارات والفلفل الاسود والملح طبعا كل المقادير ماراح اعطيكم الكمية المطلوبة لانها على حسب الكمية اللي انتي بتسوينها
ان كانت نص مرطبان او المرطبان كامل او حتى ربع
نرجع لطبختنا بعد ما حطينا الصلصة والبهارات نحركه لحد ما تتجانس وننتبه لا يحترق الزر
بعد ما تجانست المقادير مع بعضها نصب المويا الحاره
بتكون فيه كتل بالرز نحركه حتى ما يلزق في بعضها ونغطي القدر ونخليه لين يستوي
حبيت اقول فيه بعض ناس يحبون يحطون مع الحشوة خضار زي بقدونس وبصل اخضر وطماطم وشويه نعناع
بس انا احب الحشوة تكون ساده والناس اذواق فإذا حبيتو افرموا طماطم وبقدونس وبصل اخضر و شوييه نعناع فرم ناعم
ونضيفها للرز بعد ما ينضج الرز نخليه شوي حتى يبرد ونقدر نتعامل معاه

رابعاً بعد ما نشف عندي الورق عنب من المويا نبدأ نحط الحشوة ونلفه>>>اخيييس مرحلة عندي لأني اسوي كمية كبيره
واجمدها عشان كل ما بغيت على طوول اطبخ ما الف مره ثانيه cool.gif
واحنا نلف نتأكد ان الجزء الناعم منه على برا والجزء الخشن على جوا

والحين بعد ما لفيناه كله نجيب القدر اللي بنطبخه فيه نقطع بطاطس شرائح على حسب كبر القدر ونوزعها في قاعه ونحط لها رشه ملح
ونرص ورق العنب فوقها والحييين بعد ما رصينا ورق العنب وخلصنا نروح نسوي صلصة الطبخ
نجيب قدر ونحط فيه الصلصة والماجي والبهارات ورشه ملح ما نكثر عشان حطينا ماجي
وزيت الزيتون والدبس والليمون وبعدين المويا الحارة ونحركها لما تتسبك وتتجانس
قبل ما نرش الصلصة على الورق عنب نحط صحن نقدر ندخله بالقدر ونضغط على الورق عنب حتى ماتتفتح وتنتثر حشوتها
بعدين نرش عليها الصلصة وطبعاً لازم المويا يرتفع عن الورق عنب بشوي والصلصة بتكون اقل فإحنا راح نزود مويا حاره لحد
ما نوصل مستوى المويا فوق الورق عنب بشوي ونتركه يطبخ تقريبا من نص ساعه الى ساعه على حسب ثخانه الورق اللي تستخدمينه
بعضها يجي ورقها خفيف زي شركة قودي اذا طولت عليه بالطبخ تتفقع والحشوة كلها تنتثر وورق شركة العلالي ثخينه فلازم اننا نطبخها لساعه
واذا حسينا انها لسى ما نضجت نخليها تطبخ زيادة

والحييين بعد ما تنضج نخليها الين ما تبرد عشان اذا اكلناها ما تفكفك في فمنا بشكل محرج unsure.gif
واصلاً ورق العنب من المقبلات البارده فلازم يبرد يعني وكذا :)
وبعد ما تبرد نرصها في صحن التقديم بشكل حلو ومرتب مع شرائح ليمون واذا حبيتوا نحط بالصحن تبوله ونرص فوقها الورق عنب
بتكون مرررره طعمه ولذيذه مع التبوله smile04.gif


وبسس

لا لحظة لسى بقول شي

ملاحظة:-
احنا حطينا دبس الرمان عشانه يمسك الورق وما يخليه يفكفك اثناء الطبخ
انا ما كنت بس صح الصحن يمسك اللي بالطرف شويه بس اللي في النص تفكفك blink2.gif
وفايدة الدبس كمان يعطي شويه نكهه حموضه ويطلع ومرره لذيذ تقدرون تحطونه مع الحشوة
بس انا اكتفي ان الورق يكون حامض والحشوة ساده :)


ايوا وكذا اقدر اقول خلصنا
يارب تعجبكم الطريقة
واتمنى انكم استفدتوا واعجبكم

مع السلااامه يا حلويين
عقد الورد
|| (أفنان) l|

فتوشة ماما
Hayat Rjeem
أم عمر و توتة
تسلمى حبيبتى على الوصفة الشهية..
ننتظر جديدك المصور..
الصفحات 1 2 

التالي

دجاج بالفول السوداني

السابق

تعالوا اقولكم كيف نحافظ على بقايا الطعام

كلمات ذات علاقة
بالزيت , عنة , ورق