مجتمع رجيمتجارب الرجيم الناجحة

تجربتي في نزول 13 كيلو من وزني

السلام عليكم خواتي في منتدى رجيم

بما اني جديدة في هذا المنتدى حبيت اعرفكم عن نفسي واخبركم عن مشواري للوصول الى الرشاقة

اسمي فاطمة من الامارات عمري 21 وطالبة جامعية ادرس هندسة << ماشاءالله تبارك الله

انا ماكنت ضعيفة في صغري و متنت لا .. كنت دوم متينة واخواني دايما يلقبوني بالدبه انعقدت منهم وانعقدت من كل شي حتى الاعراس ماروح لها لاني اعرف الحريم شو بقولون عني وفي وجهي ويقولون لامي بعد
وفي الثانوية كان وزني في اواخر الستين كنت مرتاحة بوزني الصراحة مابكذب عليكم بس كنت اعرف اني دبة لان اخواني كلهم كانوا ضعااااف مثل الاعواد وانا غير :)

بس الجامعه غيرت كل شي !! وصل وزني 82.5 و بدا الانحباط وابد ماكنت اتصور انا اصورهم بس هم يصوروني لا واحب اقعد بروحي :( ماكنت احب اتسوق << هههه عكس البنات
لانه كل البس للضعاف "المعصقلات" ع قولتنا ويبدا الانحباط تخيلوا ماكنت اتسوق الا من عيد لعيد بس وكنت احاول اتجنب اطلع مع الوالدة لانها دوم تحاول تخليني اشتري كم بدلة حق الجامعة

والحمدلله قررت ابد مشواري وبحكم الجامعة والمشاريع الكثييييره ماكان عندي غير فترة الاجازات اللي هم اجازة الشتاء ( شهر الى شهرين ) واجازة الصيف ( 3 شهور ) بديت اول مشواري في اجازة الشتاء


كنت اول مرة ادخل عالم الرجيم والرياضة بديت بالمشي "ساعه" في الحديقة والرجيم قطعت الرز و الباستا وحولت للخبز الاسمر بس طبعا اخطأت وايد و في ايام انحبط وارجع اكل كل شي
وفي نهاية الاجازه وانهاية الشهرين مانزلت غير 3 كيلو فقط
ووصلت 79.5 كيلو ودخلت الجامعة ع المل انه الكل يلاحظ نزولي بس للاسف مابين
في فترة الجامعة الحمدلله ماكنت اكل وايد وكنت جدا محافضة على الاكل الصحي لين بدت اجازة الصيف وزدت بس 1 وواستويت 80.5

وبديت مشواري من جديد بس هالمرة غير نزلت برنامج رياضي طوله شهرين البرنامج اسمه Insanity
بنات صدقوني والله والله الرنامج يتعب واااايد بس النتايج تستااااهل ومستعدة اعيد البرنامج مرة ثانية وثالثة بس عشان النتايج الجميلة اللي شفتها منه
ونزلت معاهم كم برنامج غيره بس بجدول و كذا

والحمدلله الجمدلله الحمدلله نزلت 9 كيلو في الثلاث شهور << ماشاءالله تبارك الله ووصلت 71.5 وبين علي واااايد والكل كان متفاجئ بشكلي

وع فكرة نزولي صحي جدا لا تقولون 9 كيلو في ثلاث شهور قليل ومب زين ترا النزول الصحي مايرجع

وبدينا الجامعه ومن شهر 9 وانا احاول انزل ولو شوي فبل الاجازة والحمدلله نزلت واستويت 69.5 و واااايد مستانسة اني دخلت عالم الستينات

وبهاذا الحمدلله نزلت 13 كيلو بعد مشواار طويل اكيد الكل توقع اني نزلت في شهر واحد بس لا نزلت في 5 شهور بدون مانحسب فترة الجامعة

وان شاءالله في هذي الاجازة الشتوية برجع للرجيم والرياضة وبحاول انزل وزني ليين اوصل للمثالي 55 كيلو باذن الله


وسوري طولت عليكم وااايد بس حبيت اخبركم عن تجربتي الجميلة


واللي تبغي تسأل عن اكلي ورجيمي انا مستعدة اجاوب :)

اشوفكم في يومياتي ان شاء الله
مبروك يا قلبى وان شاء الله توصلى للوزن المثالى قريبا وبامان
ما شاء الله عليكِ واضح عندك ارادة قوية الله يحميكِ
بس يا ريت تحطى البرنامج اللى مشيتى عليه للكل يستفيد
النظام اللي اتبعته في مشواري كان نظام السعرات كنت اكل 1200 سعرة في اليوم
مثل ماقلت لكم قطعت الرز والباستا والخبز الابيض
حولت للاسمر
يعني مثال:
اقتباس : المشاركة التي أضيفت بواسطة :
الفطور كان عباره عن توست اسمر ويا مسحة جبن فيلاديلفيا خفيفة الدسم او مسحة مارجرين مع كوب شاي او حليب خفيف الدسم

والغدا كان سلطة ويا قطعة دجاجة او لحمة يعني اي شي فيه بروتين وكوب ماي او عصير فريش بمحلى لا تستخدمون السكر

السناكات اللي كنت اكلها كانت فواكه او مكسرات بكمية قليلة شوي شوي ع المكسرات
وطبعا ماننسى الشاي الاخضر انا ماحسيت انه فادني بس كنت اشربه كثير ويمكن كان له سبب بسيط في نزولي

واخيرا العشا كنت الصراحه اكل احيانا سندويج برغر او بيض مسلوق او لبنة بس بتوست السمر طبعا
في الاكل انا مامشيت بنظام معين من الاكل حاولت انوع بس بطريقة صحية وابد ماكنت اكل فاست فود و

صح كل جمعة كان عندي يوم مفتوح بس ماكل فاست فود يعني مجرد اغير في الغدا واكل رز او لزانيا
وحلويات و كذا يعني

ونصيحة من اختكم فطوومة

ابعدوا عن الفاست فود وااله مامنه فايده ابد
وابعدوا عن المشروبات الغازية لانه عبر عن ماي وفيه سكر بس مافيه اي فائدة عذائية

والحمدلله انا صرت ماشرب غازات ابد مع اني كنت واااايد اشرب كل يوم في الجامعة اشرب بيبسي بس الحين الحمدلله

اللي عندها ايفون او جالكسي ممكن تنزل تطبيق اسمه my fitness pal وتسجل سعراتها لليوم

اقتباس : المشاركة التي أضيفت بواسطة :
وعن الرياضة اول شهرين كان بس مشي لساعه يوم حسيت انه مافادني
غيرته
سويت تمارين شون تي insanity و insanity asylum
وتمارين جيليان مايكلز اللي كان تطلع في the biggest loser جربت هذا التمرين اول 30 day shred وبعده جربت تقريبا كل تمارينها
بس اللي شفته فادني هو insanity
انصحكم كلكم تجربونه هو عباره عن مجموعة تمارين في فيديوهات وكل فيديو عنده يوم ومكتوب كل شي في جدولهم الخاص

واللي تبغيه بتحصله تورنت مع الجدول وكتيب معاه وصفات و كل شي

وبس هذا كان برنامجي وساعدني انزل 13 كيلو الجمدلله
ما شاء الله تبارك الله


ربنا يثبتك يااااااارب وعقبالي

انا كنت 60 كيلو قبل الجواز

بعد الجواز وولاده مرتين بقيت 100 :(

فالحمدلله انك لحقتي نفسك قبل الجواز

وخسيتي والا كانت هتبئ كارثة

انا دلوقتي 95 ادعيلي

وهنزل الapp اللي قلتي عليها ان شاء الله
اقتباس : المشاركة التي أضيفت بواسطة حياه .:
ما شاء الله تبارك الله


ربنا يثبتك يااااااارب وعقبالي

انا كنت 60 كيلو قبل الجواز

بعد الجواز وولاده مرتين بقيت 100 :(

فالحمدلله انك لحقتي نفسك قبل الجواز

وخسيتي والا كانت هتبئ كارثة

انا دلوقتي 95 ادعيلي

وهنزل الapp اللي قلتي عليها ان شاء الله

مبروك نزولج
وموفقة حبيبتي زان شاء الله توصلين للـ60 مرة ثانيه ^^
ما شاء الله تجربة فيها الارادة والتصميم
وهذا كل ما يحتاجة من يرغبون بانزال اوزانهم

وعقبال تصيري احلى رشيقة يا قلبي
بالتوفيق وعقبال 27 وتحقيقهم بنجاح
بارك الله فيك
1 2  3 
كلمات ذات علاقة
نجربتي , نزول , وزني , كيلو