مبدئيا شكرا يا قمر على طرج الموضوع
انا بقى قصتى طويله حبتين
انا بعد الولاده التانيه بقيت مش طايقه نفسى عايزه اخس ومش قادره انا لوحدى فى غربه بقى وباطلع همى فى الاكل
زوجى قالى النت عندك ادخلى شوفيلك رجيم اعمليه ماكدبتش خبر وعملت بحث فى جوجل لقين مجله رجي:zyxr_1437:م ولا اكذب عليكم انا كنت حديثه العهد بالنت ماكنتش اعرف يعنى ايه منتدى اصلا !!!!!!!!!!!!!!!!! تصوروا :zyxr_0090:
المهم عجبتنى المجله جدا وفى يوم لقيت كلمه مجتمع رجيم ضغطت وكنت خايفه تطلعلى غرفه شات ولا حاجه جوزى محذرنى من النت والشات الشرير عشان الناس مش بتبقى دايما محترمه:zyxr_0209:
هوب لقيت كلمه للنساء فقط ويمنع دخول الرجال عجبتنى
موضوع ورا موضوع عجبنى سجلت بس ما كنتش اخده الموضوع بجديه كنت بادخل من وقت للتانى اقرا موضوع ولا اتنين ويعجبونى واخرج وبس من غير ما اشارك
وفى يوم (انا حاسه انى باحكى حدوته قبل النوم معلش اعذرونى مريم بنتى بتقعدنى احكيها كل يوم ساعه بالقليل:zyxr_2121: ) لقيت اعلان من هند(وحشتنى والله) بتقول العضويه هاتتلغى لو مافيش مشاركه من العضوه زعلت اوى وقلت ليه كده ده انا بالعافيه بادخل كنت مستصعبه اوى اكتبلى كلمتين مشغوله بقى
لقيت هند باعتتلى ميل بتقولى (انتى اكيد كنتى مستنيه رد على رسالتك ليا زى ما بقيت الاخوات بيستنو ردود على موضوعاتهم ولو كل واحده ما شاركتش بكلمه وتفاعلت مش هانلاقى مواضيع نقراها وقالتلى ان اسلوبى فى الكتابه حلو ليه ما شاركش بقيت العضوات )
لقيت عندها حق ومن يومها قررت ابقى عضوه فعاله فى مجتمع رجيم وان شاء الله اذا ربنا كاتبلى عمر زياده هاحاول ابقى مفيده اكتر واكتر لهذا المنتدى الرائع والمحترم انا شخصيا اتعلمت حاجات كتيييييييير اوى من هنا فادتنى فى حياتى وغيرتنى فى نواحى كتير
طبعا طولت وقتلت الموضوع شرحا بس حبيت اقول بحبكو فى الله جميعا .