طريقتي لعمل الاوزي ومن مطبخي
مجتمع رجيم / الأطباق الرئيسية
كتبت :
شهريار
-
طريقتي المفضله لعمل الاوزي صراحه انا دايما بعمله صرر يعني بالرقائق بس المره هاي حبيت اغير واعملها بدون الرقائق وطلعت كثير طيبه اتمنى تجربوها وتعجبكم
المقادير
دجاج حسب حاجتك
رز بسمتي
بازيلا
جزر
لحمه مفرومه
بطاطا مقطعه مكعبات ومقليه
زبيب
فلفل حلو بجميع الوانه
فلفل حار
بصل
بندوره حب وعصير
طبعا واهم شيء البهار
قرفه عيدان ومطحونه
بهار الاوزي
فلفل احمر فلفل اسود
ثوم بودره
بصل بودره
كركم
خردل
مكعبات ماجي
ملح
لومي (ليمون اسود)
هيل
وطبعا خلطه التزين واللوز واي مكسرات تحبيها
الطريقه
نقطع البصل شرحات خفيفه ونضيف الهيل والقرفه العيدان ثم نضيف الدجاج والماء ونتركه على النار حتى يستوي
ثم يصفى الدجاج لتحميره بالفرن( خلطه الدجاج لبن زبادي + زعتر ناشف+ ثوم مهروس+ عصير بصل+ ثوم بودره وشويه زيت زيتون وبهار الدجاج وكركم ) يتبل الجاج بالخلطه ويوضع بالفرن
نرجع للطبخه
نقطع بصل شرحات صغيره ونحمره مع شويه زيت وبنضيف الخردل الحب طبعا ثم باقي البهار جميع وهون سر النكهه مممممممممممممم على الريحه بعدين بنضيف الجزر والبازيلاء ونتركهم شوي ثم نضيف الفلف بجميع الوانه والفلف الحار ونقلب وبعد هيك بنضيف الطماطم المقطع والعصير وبزيدهم شوربه الدجاج ونسيبهم 10 دقائق ليتسبكو
بهاد الوقت بعمل الخلطه اللي على الوجه للتزين يعني
نقلي البطاطا بعد تقطيعها مكعبات
وبنقلي البازيلا واجزر والزبيب
واللحمه
وهاي صوره الخلطه جاهزه
هاي الخلطه انا بحط نصها مع الرز والنص الثاني على وجه الاكله
بعد العشر دقائق بنضيف نص خلطه التزين على الشوربه وبنصفي الرز وبنضيفه ونسيبه لحتى يستوي
الصوره للرز عن قريب قبل ما اسكبه
وعند السكب نضع خلطه البطاطا على الوجه مع الزبيب ويزين بالبقدونس واللوز
اتمنى الطريقه تعجبكم
