محشي اللفت والجزر بالتمر الهندي من مطبخي

المقادير راح نحتاج

اللفت ما بعرف اذا في اسم ثاني بس هاي صورته اخدتها من النت



فليفله
جزر وانا ضفت بطاطا
وممكن تعمليه نوع واحد

تمر هندي وهاي صوره باكيت التمر الهندي برضه اخدتها من النت لاني صورت الاكله بعد ما جهزت ما كنت مصور الخطوات



رز
بهارات فلفل اسود
لحمه مفرومه سنوبر
شوربه الدجاج ماجي

زيت للقي

الطريقه

اول شي نقشر اللفت والبطاطا والجزر

نحفرهم متل المحاشي نفضي اللب الداخلي كله من الجزر واللفت والبطاطا
وبعد ما نحفرهم نجهز الحشوه وهي متل حشوه المحاشي
( رز منقوع ومصفى وبهار وفلفل وماجي واللحمه المفرومه وملح وانا ضفت صنوبر)
ونحشيهم ونترك قدر نص اصبع حتى ما يتكسر بعد الطبخ
بعد الحشوه بنقليهم بالزيت طبعا بعد الحشوه

واخر شي نصفهم بطنجره الطبخ ونسكب فوقهم شراب التمر الهندي حتى يغطي جميع المحشي ونتركه على النار تقريبا نصف ساعه او اكثر شوي لحتى يستوي

طريقه عمل التمر الهندي وهاد شكله

ناخذ التمر انا عملت باكيتين الكميه حسب حاجتك
نضع التمر بالطنجره ونضع عليه بحدود لتر ماء لكل باكيت ونتركه يغلي على النار مده ربع ساعه

وبعد هيك نسيبه حتى يبرد ونصفيه من البذور وهيك بيكون جاهز

انا بعمبله قبل بيوم واحطه بالثلاجه حتى يكون جاهز وممكن لو الكميه كبيره نفرزه للحاجه
اتركم مع صور الاكله واتمنى تعجبكم











وهاي صوره شوربه التمر الهندي