جروب لمتبعات ريجيم السعرات الحرارية (رشاقة بدون حرمان)

والان يا قمرات مع سعرات اول يوم

فطرت : 2 حبة طعمية وسلاطة خضرا = 120
اتغديت : 2 حبة كفتة كان مكتوب على العلبة الواحدة فيها 65 سعر يعني 130
وثلاث ملاعق ارز = 150 سعر و200 جرام بطاطس مسلوقة144× 2 يعني 300 تقريبا = 450
وسلاطة خضرا
العشا لقمة فطير بالضبط 100 جرام = 350 سعر
والسناك كان مرة أخذت نصف مشروب شعير 100 سعر وتفاحة 50 سعر = 150
ومرة أخذت 3 تمرات = 100 سعر
والسلاطة وسكر الشاي نقول كمان 100
يبقى كده اليوم كله كله = 120 +130 + 450 + 350 +150 + 100 + 100 = 1400

والماية تقريبا لتر
والرياضة مشاوير

دعواتكم وفي انتظار تواصلكم

اليوم يا بنات ... خايفة أكون عكيت
لكن خلوني احكي لكم بالتفصيل ... وربنا يستر

اول ما صحيت قلت اتسحر وأصوم فأكلت 3 ملاعق مكرونة = 150 سعر وقطعة فطير مشلتت 350 سعر وكوب شاي نقول السكر والذي منه 50 يبقى كله كله = 550
ولما الصبح لقيتني متوترة شوية ومشيت على التريد ميل فعطشت شوية ... المهم هههههههههههههههه فطرت ... أخذت كوب شاي بحليب فيه 150 سعر
كدا بقى الموضوع دخل في 700

اتغديت : 5 برجر وسلاطة ... خليني احسب البرجر مثل كفتة امس الحبة فيها 65 سعر × 5 = تقريبا 350
وبعدين نصف كوب نيس كافيه ... اعطيه 100 سعر

يبقى كدا وصلنا 1150

شربت تقريبا لتر ماية
بس استنوا لا لا لسا ما خلصتش ههههههههههههههه انا انام وانا لسا ليه سعرات ؟؟!!!!!!!!!!!

قعدت يا اخواتي من العصر لحد ما نمت اتسلى في الرز والملوخية وأخذت قطعة لحمة صغيرة
يعني تقريبا : 100 لحمة
6 ملاعق ارز = 300 سعر
والملوخية لو السلطانية فيها 50 سعر يبقى 100 سعر كمان

يعني كله وصل 1650 ... الحمد لله مش تدمير كلما

أسألكم الدعاء يا اخواتي ... عندي مناقشة الماجستير بتاعتي يوم الاربع الساعة 11 الصبح ... فقلت فرصة اتوتر شوية واطلع غيظي في الاكل ... بس ربنا ستر

ما تنسوا ... إدعوا لي

عاوزة احكي لكم عن حاجة
النهار ده .. واحدة من اياهم بتقول لي خسيتي ... كملي

لا مش عادي !!!!!!!!!!!!
الست دي مش بتحبني ... انا حاسة كده
وتخنت قدامها 20 كيلو عمرها ما قالت لي تخنتي ... يقوم لما اعمل ريجيم يومين تقول لي خسيتي ... لا وايه بان على وشي كمان ... سبحان الله
هي بتقول بتشجعني ... بس انا ماصدقتهاش ... والحمد لله لسا مكملة

قلت لها : يا شيخة !!! دا انا النهار ده الدكتورة قالت لي انتي بتتخني ليه !!
وبعدين انا قدامي مشوار طويل ... ده انا محتاجة اخس ييجي 60 كيلو ... قالت : انا با شجعك
والحمد لله سكتت ... وربنا اعلم بخبايا النفوس


بس كان العادي بتاعي ... انحبط من كلام الدكتورة واتفائل من كلام اختنا دي واتوزن والميزان بيوترني فأكل ثم أكل ثم أكل ثم أبحث عن بداية جديدة ... بس الحمد لله ... ولا سألت في حد ولا اتوزنت والأمور عادي

عاوزاكم تعرفوا إن الست دي وزنها 75 كيلو أو أقل وبتعمل ريجيم
وعاوزاكم كمان تعرفوا إنها ضرتي ... ايوة !!! زوجة زوجي

صدقتوني بقى لما قلت لكم إني حاسة إنها مش بتحبني ... يعني اتخن قدامها من 108 لحد فوق ال130 ولا تلاحظ ابدا اني تخنت
ولما اعمل ريجيم يومين ... تقول لي خسيتي ... سبحان الله ... حكمتك يارب

اللهم اغفر لنا ولها

مرحبا اختي

نظام السعرات والنقاط كتير ممتازات انا شفت يومياتك بس في اللي بعض الملاحظات عليكي ومش تزعلي مني بس حبيت أنصحك انك ما تاكلى الرز والبطاطس لازم واحد منهم عشان تخسي كويس اما لو فضلتي على هيك رح يكون وزنك ثابت انا والله ما بحبطك ولكن بشجعك وبقولك هالرجيم رووعة لو زبطتيه شويه حتنزلى من 3-4 كيلو بالاسبوع

ا

class="quote">اقتباس : المشاركة التي أضيفت بواسطة sandybill:
مرحبا اختي

نظام السعرات والنقاط كتير ممتازات انا شفت يومياتك بس في اللي بعض الملاحظات عليكي ومش تزعلي مني بس حبيت أنصحك انك ما تاكلى الرز والبطاطس لازم واحد منهم عشان تخسي كويس اما لو فضلتي على هيك رح يكون وزنك ثابت انا والله ما بحبطك ولكن بشجعك وبقولك هالرجيم رووعة لو زبطتيه شويه حتنزلى من 3-4 كيلو بالاسبوع

ا