دردشة عربية لكل بنات المنتدى من كل الجنسيات تعالو بسرعة

مرحبا حبيباتي شو اخباركم انشالله مبسوطين
انا كتير عجبتني الدرشه للعربيات لاني عن جد بحب اتعرف على عادات وحياة من جميع البلدان وانا من النوع الاجتماعي لكن ظروف حياتي هي اللي بتمنعني من التفاعل الدائم طولت عليكم بس معلش اتحملوني
انا الورده البيضاء من الاردن عمري 37 سنه طولي 160 سم وزني 58 وصلت تعليمي للثانويه فقط لانها رغبة زوجي تزوجت صغيره في السن وعندي ما شاء الله بنت وحده واربع شباب وهي اكبر اخوانها تدرس في الجامعه سنه ثانيه ومخطوبه حاليا وستتزوج بعد التخرج انشالله وتسافر مع زوجها الكويت لانه بيدرس هناك يعني لما تروح بدي اوصي عليها بنت اسكندريه
وعلى فكره هي بنتي وصديقتي وحبيبتي وكمان هي ورده معنا هون بالمنتدى يعني اكسبت من الزواج المبكر صديقه
اصغر ولد عندي الامور اللي بتشوفوه بالصوره
انا والحمدلله ست بيت ناجحه وزوجي انسان محترم جدا واهم شيء في حياتي همه زوجي واولاديوالبيت لازم يكونمرتب ونظيف جدا يعني كل الجيران بحكولي انتي موسوسه
بس عيبي اني عصبيه كتير ومع ذلك ما فيه حياه بتخلو من المشاكلومن كثر ما بحب التغيير في البيت والنظافه صار عندي ديسك قوي ومضايقني كتير مع اني صغيره ومو سمينه اعذروني اخواتي على الاطاله لاني حابه احس اني جالسه ما بين اخواتي وبحكي متل ما بدي حيث انه النت هو متنفسي الوحيد الاني دائما مشغوله بالبيت والاولاد وخطيب بنتي عندها باستمرار وعلى فكره اللي بتجيب ولاد بتتغلب اكتر من اللي بتجيب بنات لانهم اتكاليين وبدهم كل شي جاهز والحمدلله على كل شيئ صارلي عشرين سنه زواج ومحافظه على رشاقتي واناقتي ولكن نادر ما اشبع من الاكل لاني بخاف اسمن دخلت هذا المنتدى بالصدفه لاني مولعه بوصفات الجمال والرشاقه وما كنت متوقعه اني اجلس ساعتين على النت زي ما حكيتلكو لان البيت ماخذ كل وقتي ولكن حبي لجميع من في المنتدى ما طلعت الا وانا مسجله
على فكره انا ماكنت اهتم بالكمبيوتر كنت احكي خلي اولادي همه اللي يستفيدو لانهم ما شاء الله مبدعين ببرامج الكمبيوتر من فوتو شوب وتصميم منتديات وبحاول اتعلم منهم اللي بقدر عليه

هلاااااااا وايت روزز

تشرفنا والله بيكي وبكل اهل الاردن
يووووووه على فكره حنصير انا وياكي جيران بالاردن
لاني راح اتزوج ان شاء الله عن قريب وحسكن بعمان

وابتعرفي والله بحسدك على قوة الاراده الي عندك يعني ما شاء الله وزنك 58
ياريييييييييييييييييييت وزني هيك
انا لسا 19 وبتمنى اوصل 60

لا بس شوفي الرياضه دااااايما هي الحل الانسب
يعني بجد انا بقالي ثلاث اسابيع بس فرق كبييييييير بالليونه
وصارت الصحه احسن الحمد لله
وانا ناويه اواصل ان شا ءالله على طول بالرياضه
حتى لما اتزوج ان شاء الله

ومبروووووووووووك لبنتك وعقبال كل البنات ان شاء الله
وان شاء الله خطيبه ايطلع ابن حلال ويهنيها ويعينها على الحياه
والله يخليلك الشباب الي عندك

وموفقين جميعا

اهلين فيكي حبيبتي زينه والله انا كمان اتشرفت فيكي بالنسبه للوزن حبيبتي كل شي مع الاراده والانتباه بيمشي حالهانا بنصحك من خلال تجربتي الخاصه انك تبتعدي عن الدهون والحلويات وتحركي بشكل دائم وركزي على منطقة الوسط بالرقص فهو مفيد للتنحيف يعني مو شرط تظبطي الايقاع المقصود الحركه
لانها بنتي بتعاني من نفس مشكلتك لانها معظم وقتها بالدراسه وعلى النت يعني حركتها قليله وانشالله تتوفقي بزواجك واهلا وسهلا فيكي ببلدك الارن

هلا ويت رووز

والله معاكي حق انا حاليا اسوي رياضه بنادي
ودايما بركز على رجليي والخصر
لانو الدراسه هيك ابتعمل فينا
وان شاء الله بنحقق الي بدنا اياه

بس ديري بالك ها اذا بعزمك على فرحي بالاردن حتيجي؟؟ خخخخخخخ

السلام عليكم

هلا بالوردة البيضاء واهل الاردن اهل الكرامة واعز اخوة

انتى نورتينا واحنا كلنا اخوات

ربنا يخليلك حبيبتك يارب وتفرحى بيها ان شاء الله وباولادها

ويخليلك الاولاد وابناك الصغير الامور مشاء الله

ويكرمك ويعوضك فيهم كل خير