يومياتي لخسارة 6 كيلو قبل رمضان

اوكي ميوره راح نخلي ميزانه كل سبت اني وياج

شلوون راح يكون نظامك برمضان ميوره

هلو ام ديومة..بالنسبة للبطيخ ليش يسمن سعراتة الحرارية قليلة ويشبع اكو فواكه سعراتها اعلى مثل التمر والموز والعنب بس البطيخ والركي والمشمش ﻻ قليلة..اني قريت عنها...بالنسبة لرمضان مااكدر اسوي رجيم معين واحرم نفسي من شي بس رح اخفف واحاول اكل اكل سعراتة
الحرارية قليلة مرة قريت بالمنتدى رجيم اسمة رجيم النقاط يعني نحسب الاكل الي ناكلة رح احاول استفاد منة يعني مو اطبقة مية بالمية بس ماكل اكثرمن المسموح

وانت أم ديومة شرح يكون نظامك؟؟؟

هلوو ميوره نفس الشي راح اسوي اخفف الاكل ومااكل ابد لاخبز ولاصمون

الغداء اليوم صحن مرقه بانيه وربع خبزه ساعه 2الضهر
وهسه اكلت شويه رقي لان حسيت بالجوع وراح اطلع العصر امشي وادور ع ميزان

والله ياميوره مااعرف بس صديقاتي بالدوام كلولي البطيخ يسمن واستغربت لان احبه واكله هواي هوه والركي

اي ام ديومة اشتري ميزان وضبطي وزنك وخلي نتفائل ويكون هدفنا برمضان2كيلو بالاسبوع واذا واحد ميخالف اهم شي منضعف كدام اﻻكل ونكول ﻻمو صيام ﻻزم ناكل حلويات ودهون ونشرب كل انواع الشرابت نفس اليوم...(اني هيجي برمضان ههههه)بس هذي السنة ان شاءالله اغير حتى ارجع اضعف