مشكله وصلتنى

حبيبتي ديدي اقوللك الحل فرأيي ؟؟
عامليهم على انهم اطفال صغيرة وخليكي انتي الكبيرة
صدقيني الطريقة دي هتجيب نتيجة ان شاء الله انا دايما استعملها مع الناس اللي بتحاول تعمل مشاكل معايا
ممكن يتغاظوا منك ويحسوا انك بتاخديهم على قد عقلهم
بس مش هيقدروا يمسكوا عليكي غلطة

بصى يست الكل اولا جزاكى الله خيرا على حسن معاملتك مع اهل جوزك وصبرك على معاملتهم ليكى وربنا يهدى ليك جوزك اهم مافى مشكلتك انك وزوجك بينكم تفاهم ماشاء الله ولا قوه الا بالله

لو تقدرى تبعدى عنهم ومالكيش دعوه بيهم زوجك هو الى يتصل بيهم ويسئل عليهم وانتى خارج الموضوع طبعا بالاتفاق مع زوجك على شان مشاكل الكلام يقل

بالنسبه ليكى وزوجك حر مع اهله يروح ليهم يبات يزورهم وبلاش انتى تروحى معاه اذا كانت المشاكل هاتبعد عنكم ولاتسافرى عندهم الا مع جوزك

ولاتتدخلى فى اى كلام غير موجه ليكى وسيبى جوزك هو الى يرد عليهم ويحاول يسايسهم ويعاملهم بالمعروف لانهم اهله واكيد هما بيغيروا عليه لانهم بيحبوه

ومعلش لو هاتتعملى معاهم عامليهم بالحسنى على شان ترضى ربك وتكسبى جوزك والحمد لله انك بعيده عنهم استغلى الفرصه دى واسعدى نفسك وجوزك

وربنا يحنن قلبهم عليكو وعليك بالدعاء والله سميع مجيب الدعاء