يوميــــــاتي للنحــــاافة =D
مجتمع رجيم / أرشيف رجيم
كتبت :
ريماس زياد
-
السلام عليكم و رحمة الله و بركاتة
كيفكن يا حلوات:)
انا ريماس عضوة جديدة معكن بس متابعة من زمان
انا سنة تانية جامعة ان شاء الله
طولي 162 و وزني حاليا تقريبا 71
قبل سنة بالضبظ كان وزني 79 او 80 o.O
سافرت للدراسة وخسيت 71 الي هو وزني حاليا طبعا ايام الجامعة كلها حركة و نط من محاضرة لمحاضرة و كلها نشاط كان هاد اول سبب لنزول وزني
بالفترة الي سافرت فيها كان كلي جدا عادي بس كان في شوية اشياء كنت بعملها و لو أي بنت استمرت عليها اكيد رح تنحف
اول شي كنت مستحيل ما افطر كان اهم شي عندي وجبة الفطور كنت اكل فيها كل شي يعني باي كمية و كنت بين وجبه الفطور و الغدا كنت اكل بالكلية ممكن ساندوتش او شيبس او شوكولا أي شي و ككنت اتغدى متاخر شوي يعني الساعة 6 تقريبا كنت اتغدا و
كان الغدا صنف واحد يعني انا بتوقع زيادة الووزن بتكون احيانا من تعدد الاصناف و كمان كنت اكل بصحن صغير يعني ما كنت اكل بكميات كبيرة هاد الشي من اول مسافرت قلت شهيتي للاكل
اما بالنسبة للعشا طول السنة الي فاتت ابدا و لا مرة اتعشيت و كنت بعد الساعة 7 ما اكل ولاااا شي ولا أي شي
البعض رح يحكي ان خستي شوي بهالسنة
صحيح شوي بالنسبة لناس كتير ممكن تخس بالسنة عشرين كيلو او اكتر بس انا الي خسيتو متاكدة انو كلو دهون لان كل الي شافني حكا ان مستحيل وزنك 71 يعني كانو يحكو ان وزني بحدود 65
طبعا بهالاجازة رجعت عند اهلي برمضان و اكل كل الي بدي اياه و خبصت كتيييييييييييييييييير
و كل يوم احكي بدي اعمل رجيم
انا على فكرة ارادتي جدا قوية بس صارت مشكلة دمرت كل شي:)
الي هو اني عملت رجيم دشتي و اخر مرة بحياتي رح اعملو
ما رح اكرر التجربة ابدا
في الي رح يعارضوني لان في كتير ناس نزل وزنهن عليه
انا جربتو لمدة اسبوع نزل وزني لل 68
الي ما بتعرف الرجيم هو اسمو رجيم دشتي و هو على مراحل اول مرحلة من اسبوعين لتلات او اربع
انا عملت لاسبوع و كان الاكل كلو لحوم و دجاج و دهون
ممنوع فيه الفواكه و خضار
انا صمدت لمده اسبوع بس جيت على اخر يوم و كنت عم انهار كنت دايخة جدا وصداع فضييع
و كنت محرومة من السكريات يعني حتى الفواكه ما كانت مسموحة مع اني انا من النوع الي بحب الموالح كتيرر بس اخر يوم ما قجرت اتحمل و تركت الرجيم و اكلت فواكه و خضار
مو بس هيك انا بعدها قرفت من كل اللحوم و الدجاج يعني بعدها بتلاث ايام كنت بس اكل فواكه و خضار و فوقها انفجرت باكل الحلويات مع اني جد مو من محبين الحلويات كتير و ضليت اكل منها كميات
حسيت كاني سنة ما اكلت شي حلو
و الله لو تجربو يا بنات انكم تاكلو كل شي بس لحم و دجاج رح تنسد نفسكن
كان كمان ممكنوع الرز بس كان عادي قدرت اتجاوز هالشي لهله انا ما اكلت رز
و طبعا بعد كل هالرخبطة رجع وزني لل 71
و قررت ان شاء الله اني ابدا اعمل رجيم لغاية تاريخ 11\9 لان رح اسافر و ما بدي يحكو ان وزني زاد
انا حلمي ان وزني يكون 65 هاد الوزن المثالي الي بدي اياه و ان شاء الله رح اوصلو
دورت بالنت على رجيم اتبعو و رقيت هاد هو لخمس ايام بس انا رح اضلني اكرروا و لقيت ان النظام كتير منيح و متنوع
رجيم الـ 5 أيام
هدا الرجيم لمدة خمس ايام
وممكن تكرري لكن بعد ما تعملي يوم راحة بين كل 5 ايام..
الفطور لمدة 5 ايام:
ملعقة شاي لبنة أو شريحة جبنة توست +2قطعة توست+كوب حليب خالي الدسم
الغداء:
اليوم الاول:1 توست +صدر دجاج مسلوق أو مشوي
اليوم التاني: سلطة خضار أو كوب خضار مسلوقة +حبة تفاح
اليوم الثالث: 2بيضة مسلوقة أو 2 نقانق+1 توست
اليوم الرابع: علبة تونة صغيرة+ 1 توست
اليوم الخامس: نصف كوب رز +علبة لبن
العشاء لمدة 5 ايام:
نوع واحد من الفاكهة حسب الرغبة
وبأي كمية..
ملاحظة هامة:
يجب شرب 8 اكواب من الماء يوميا
انا كتير حبيت الرجيم
و ان شاء الله رح اتبعو
و بتمنا أي حد يشاركني و نشجع بعض
ان شاء الله رح اكتب يومياتي كل يوم و الي حابة تشاركني اهلا و سهلا فيا
و بتمنى كون عضوة خفيفة عليكن
