كوسا مسلوقة ولا أشهى ليوم الخصار المسلوقة
مجتمع رجيم / أطباقنا الخاصة للرجيم
كتبت :
♥♥..fafy..♥♥
-
بسم الله الرحمن الرحيم
الخضار المسلوقة هي الشيء المشترك في جميع أنواع الرجيم تقريبا
وبس نشوف خضار مسلوقة بنقول بس هلأ حنقول
اليوم عاملتلكم كوسا مسلوقة غير شكل
وبنسميها "ملقس"
نقطع الكوسا مكعبات ونغسلهم
ونفرم البصل والثوم بس أنا نسيت الثوم وما ذكرتو لآخر الطبخة
ونحطهم مع الكوسا ونحط شوية مي لأن الكوسا بتطالع مي لحالها
وبنحطهم ع نار هادية حتى تدبل الكوسا
وما بنحركها بالملعقة نمسك الطنجرة ونقلب الكوسا
حتى لا تتكسر ويخرب منظرها
قبل ما تستوي بشوي نضيف دبس الرمان
انا حطيت تقريبا فنجان لكيلو كوسا وحطيت ملعقة زيت ويتون وفينك بلاها
ونتركهم حولي 5 دقائق بس ننتبه ما يلصق الكوسا
وبس نسكب الصحن نرش عليه نعناع ما كان عندي أخضر حطيت نعنع يابس
وعلى فكرة كل اللي عندي بالبيت أكلو منها وعجبتهم
وصحة و100 هنا