مسقعة كوسا ليوم اللحم والخضار المسلوقة
مجتمع رجيم / أطباقنا الخاصة للرجيم
كتبت :
♥♥..fafy..♥♥
-
بسم الله الرحمن الرحيم
ما بعرف ليش كل اللي بيحطو أنظمة غذائية
مولعين بالخضار المسلوقة
مسقعة الكوسا
أكلة بنعملها على طول
اليوم عملتها بطريقة صحية مش بس مشان الدايت وكمان مشان عيلتك
قطعت الكوسا مكعبات وغسلتها
وفرمت البصل ناعم وحطيت اللحمة بالطنجرة وحطيت عليها شوية مي
وبهار وفلفل أسود
وحركتها لحتى نضجت ضفت الكوسا والبصل
ورشيت شوية ملح وشوية مي وضفت ملعقة زيت زيتون
وقلبتهم شوي و ع نار هادية
حتى تنضج الكوسا بتحطي صحن الك
وبعدين بتضيفي شوية سمنة مشان عيلتك
وهيك بتقعدي معهم بتاكلي نفس الأكلة وما بتحسي انك عاملة دايت
وبنفس الوقت بتكوني عملتيلهم الأكل بطريقة صحية
والطعم ما رح يفرق عليهم
وصحة وهنا