بلوزات شتويه شيك وعمليه للبنات فى الجامعه
مجتمع رجيم / الموضوعات المميزه فى الأزياء والأناقة
كتبت :
زهره الاسلام
-
نظرا لان البنات بتقضى معظم اوقات يومهم فى الجامعه وحضور المحاضرات ولانهم يحتاروا كثيرا فى اختيار الملابس الشيك وفى نفس الوقت المريحه للذهاب بها للجامعه وهناك عدد من النقاط يجب ان تضعهم البنت فى الاعتبار عندما تختار ملابس الجامعه
الأناقة في البساطةالقاعدة الأساسية اللي تحطيها قدامك إن "ألف باء شياكة" هي البساطة وإنك علشان تكوني أنيقة وشيك لازم تكوني بسيطة جدا في لبسك.... وعلشان تحققي ده يبقى لازم تبعدي نهائيا عن الملابس الرسمية والملابس اللي فيها تطريز كتير... لأنها مش بتناسب الجامعة.
وكمان خدي بالك إنه مش شرط أبدا إنك تشتري حاجات غالية علشان تكوني شيك بل على العكس فيه حاجات رخيصة وشيك جدا.
الملابس العملية والمريحة
ياريت تحاولي إنك تختاري الملابس العملية اللي تساعدك على الحركة براحتك في الجامعة أو في المواصلات والملابس العملية المريحة دي زي بنطلون قماش أو جينز وبلوزة أو جيبة واسعة وبلوزة..
كمان خدي بالك من نوع القماش ياريت إنك تختاري الملابس اللي بيكون قماشها قطن أو كتان، وابعدي نهائيا عن الأقمشة اللي بتكون مصنوعة من البلوستر لأنها بتكون مضرة جدا للبشرة خاصة لو كانت بشرتك من النوع الحساس.
ماتجريش وراء الموضة
ودي أهم حاجة إنك ماتجريش ورا الموضة وتختاري الملابس اللي مناسبة ليكِ ولشخصيتك ولطبيعة جسمك يعني مش معقول علشان الموضة الملابس الضيقة إنك تلبسي الملابس الضيقة بالرغم من إنها مش مناسبة ليكِ.
كمان اختاري الألوان المناسبة للون بشرتك، يعني لو كنتِ صاحبة بشرة بيضاء هتلاقي إن كل الألوان مناسبة جدا عليكِ، ولو كنتِ صاحبة بشرة خمرية أو سمراء يبقى ياريت إنك تبعدي في اختيارك للألوان الغامقة.
فى النهايه احب ان اذكر كل بنت ان ملابسك بتدل على شخصيتك
علشان كده ياريت إنك ماتحاوليش إنك تقلدي حد في لبسه ويكون عندك شخصيتك المستقلة في اختيار ملابسك.
وخدي بالك إن في الجامعة آه صحيح فيها حرية في اللبس بس مش معنى كده إنك تروحي مثلا لابسه جيب قصيرة أو ملابس لافتة للنظر لأن بصراحة الملابس اللي زي دي هتدي انطباع سيئ عنك عند زمايلك.
