مجتمع رجيمأنظمة و برامج الرجيم

شويه نصايح ... عشان نخس

صباح الفل علي جميلات موقع ريجيم
انهارده حبيت اقولك برنامج اللي انا ماشيه عليه بقالي فتره وحسه انه فارق معايا في النزول في الوزن
يلا ندخل ف موضوع
نظامي اللي ماشيه عليه بقالي فتره وبيحسسني بشبع
اولا الفول في الفطار باخد معايا كميه معقوله في الشغل بس مش باكلها كلها مره واحده باكلها ع دفعتين مره الساعه 9 ونص وممكن مره الساعه 1 او ساعه 3
ثانيا تحاولي تخدي وجبات لا تتعدي 200 سعر بين الوجبات الاساسيه ممكن مثلا تاكلي برتقاله خياره اي فاكهه ودا يبقا كل ساعه او ساعتين
ثالثا الغدا كلي اللي نفسك فيه بس بحساب يعني مثلا ممكن ربع فرخه معاها شربه او قطعه لحمه معاها خضار وربع رغيف عيش نوعي بس قللي ف كميات ومتحرميش نفسك من حاجه
رابعا العشا افضل حاجه كوبايه زبادي عليها عصره لمونه وممكن معلقه عسل
بس الحقيقه انا مش بتعشا لان دايما بتغدا متاخر ....
خامسا وهو الاهم ممارسه الرياضه يعني مثلا لو ف شغل قومي اجري لو عندك مكتب فاضي مفهوش حد او في بريك اخرجي اتمشي شويه حاولي يكون ع الاقل ربع ساعه تمرين في البيت او رقص مش هياخد من وقتك حاجه
ملحوظة اللي عايز طريقتي ف عمل الفول يقولي اكتبهاله

اتمني ان نصايحي دي تفيدكم

اولا وحشتيني يا نانوووو
ثانيا تسلمي على النصايح ححبيبتي
بس للاسف عندنا ما نقدر نطبق كلامك
حنا فطورنا يكون حليب مو فول و الدوام عندنا من 8 ل 12 و من 1 الى 4 و يكون الوقت هاذ حليب و الغذاء على 12 و العشاء 7 او 8
لكن نا عايزه طريقه الفوووول مشتهيه اعملو و اوقو بس يكون شبه المسلسلات مش تجي تعلميني تقلبيها دايت
حبيبتي يانهوله اعملي الفول يوم الاجازه بقا بصي تجيبي طاسه و فص توم يتشوح ف الطاسه شويه وبعد كدا تقطعي 1 طماطم ع بصله مقطعه شرايح وشويه بقدونس وطبعا ملح وكمون وكله ع فول وتسبيه ع نار شويه وبيطلع طعمه تحفه والخضره دي بتديله طعم مختلف وفي الاخر لمونه بقا ع الطبق وتاكلي بالهنا والشفا
يعني لو شربت كوب حليب الصبح بدل الشاي بلبن يحسسني بشبع فتره ولا ايه يانهوله
تسلمى حبيبتى نوره
والله نظامك جميل وبكده هتخسى ومش هتحرمى نفسك من حاجه اهم حاجه اوعى تملى وترجعى تاكلى تانى :)
انا كنت بعمل كده زمان وفضلت فتره طويله جدا كده وخسيت بس من بعد ما خلفت وانا تخنت ومش قادره ارجع اقلل اكلى :(
طريقة الفول روعه انا ساعات كنت بعمله كده بس بقالى كتير ماعملتوش وانتى فكرتينى بيه الثوم والخضره بيخللوا طعمه يجنن
تسلم ايدك حبيبتى :) :)
كتيييير حلو ومناسب
هو نوع من التخفيف بس الاحلى
تنظيم الوقت وهاد لشي اللي ما عم اقدر اعمله
تسلم اديكي
1 2  3 
كلمات ذات علاقة
... , شويه , عشان , وحش , نصايح