حتى نرتقى بالمسابقة

مجتمع رجيم / أرشيف رجيم

كتبت : واحدة طيبة

حتى نرتقى بالمسابقة حبيت يكون ده عنوان لموضوعى علشان كلنا نجتمع على هدف واحد هوه ازاى

نقدر نخلى المسابقة مميزة قصدى طبعا مسابقة الخاسرة الكبرى الخاصة بالرجيم .......... وكلامى ده

اقصد بيه كل مشرفات وادارة المنتدى ولا اخص بيه احد فالاتحاد قوة .........( حاسه وكانى بعمل خطبة

ههههه ما علينا خلينا ندخل فى الموضوع )

حاجات كتيرة انا عملتها فى المسابقة ممكن تكون مش مفهومة للبعض وممكن بالتالى تزعلهم فحبيت

احط النقط فوق الحروف واخلى الصفحة ديه متجددة اشرح فيها اخر تطورات المسابقة والمقترحات ايه

علشان نناقشها كلنا علشان تكون الامور واضحة للجميع كما انا برحب بمقترحاتكم علشان نكون الافضل

كتبت : امي الدنيا ومافيها

هلا حيبتي
يعطيكم العافيه يارب
وبارك الله فيكم
ولا خاب من استشار
فالنتعاون على رقي المنتدى والمصلحة العامة وما فيه خير ومنفعة للجميع
وليكن هدفنا الاصلاح والتآخي والمودة والرحمة والهداية والمحبة في الله

يعطيج العافيه دينا وبارك الله فيكِ

كتبت : واحدة طيبة

اولا هتكلم عن نظام المسابقة بمعنى هيه ماشية ازاى

طبعا المسابقة مكونة من ثلاث فرق الوردى والاخضر والازرق بيتنافس كل المشتركات للفوز بلقب الخاسرة الكبرى

فى اللينك ده اسماء المشتركات فى الفرق الثلاث والنموذج الخاص بوضع الوزن

http://www.rjeem.com/forum/showthread.php?t=15246

يوم الاحد من كل اسبوع معاد الوزن وكتابة النتائج بالشكل السابق

البعض هيسأل ليه الشكل ده بالذات هقولكم ليه الشكل ده

دلوقتى المسابقة مش ان فلانة تكسب ونصقفلها وخلاص لاء بناااااات كتيرة جدااااااااا من الاحباط والوزن الزائد مبيكونش ليهم نفس حتى يتكلموا او يردوا على المشتركات بس بيكون عندهم فضول ازاى فلانة خست عملت ايه ؟؟؟؟؟؟؟ هل انا ممكن اخس ؟؟؟؟؟؟؟ اكيد اخدت دوا خسسها ؟؟؟؟ معقولة كانت بتمشى نصف ساعة بس ؟؟؟؟؟؟؟؟؟ وغيرها من الاسئلة فالهدف من المسابقة فى الاساس الفائدة للجميع
فالنموذج اللى بنكتب فيه نتايجنا ان شااء الله هيكون ارشيف قوى للمسابقة وهيفيد بنات كتيرة ويشجعههم بالتالى مش هيكون فيه ملل

المسابقة هتنتهى يوم 15 ابريل ان شااء الله ولما تنتهى ونعلن الفائزة من الفرق الثلاث هنفتح موضوع لاشتراك البنات فى المسابقة الجديدة

اما بخصوص انا ليه قفلت موضوع تسجيل الاشتراك بالفرق الثلاث والغيت تثبيته علشان فيه بنات كتيرة بتقرا اول صفحة وبتكتب انها عايزة تشترك فى المسابقة والتسجيل فى المسابقة انتهى بالفعل يوم 10 مارس ففين مصداقيتنا واحنا فاتحين صفحة اشتراك فى المسابقة وبعدين نقولهم لاء اصل الاشتراك خلص ، كمان عدد قليل من البنات هوه اللى بيحط نتايجه هناك والباقى بيحطها فى صفحة اليوميات وانا بتشتت فى جمع النتايج فى كل صفحات المنتدى

ان شااء الله نتعاون فى جمع النتائج ميعاد على الفريق الاخضر وياسمينة على الفريق الازرق وديدى وانا على الفريق الوردى

كتبت : واحدة طيبة

عندى شوية اقتراحات اتمنى يتسع صدركم ليها وتتدونى رأيكم فيها

1 - انا عملت نسبة خسارة للوزن خاص بالاسبوعين الماضيين وساعدتنى فيهم بوسى جزاها الله كل خير ده مثال على الفريق الوردى

http://www.rjeem.com/forum/showthread.php?t=15510

كنت حابه اقترح عليكم اقتراح قالته ليه عضوة فى فريقى ( دعدعه) وهيه اننا نعمل شعار مميز للعضوة اللى خسرت اكتر نسبة من وزنها علشان نشجع الباقى

2- الاقتراح الثانى ان يكون فيه فائزتين من كل فريق بنهاية المسابقة فائزة ذهبية وفائزة فضية
واذا وافقتم على الفكرتين حابة تشاركونى بشعارات خاصة بالاقتراحين

كمان انا حابه اسأل ميعاد وياسمينه وديدى انتم حابين يكون اشرافكم ازاى على فريقكم

فالفرق الثلاثة بتكمل بعض واحنا بنكمل بعض

برحب مره تانية باقترحاتكم وبأسئلتكم فى اى وقت وشعارنا الزعل مرفوض والاتحاد قوة

كتبت : نود

اقتراحات جميلة حبيبتي والي الامام دائما

كتبت : سمرا مصر

افكارك للمسابقه حلوة ومشجعه جدا بس لى سؤال انا باكتب وزنى يوم الاتنين لان دى يوم المتابعه بتاعى مع الدكتورة واما شوفت صفحه نتايج الفريق الاخضر ما وجدت الا مشاركه الاسبوع الاول فقط مع انى مسجله نتايجى الاسبوع التانى والثالث ايضا هل الى بتسجل ميزانها بعد يوم الاحد بيتلغى ومش بيسجل ارجو منك التوضيح

حتى نرتقى بالمسابقة

مجتمع رجيم / أرشيف رجيم

فتح باب التسجيل بالحلقة الرابعة من تحفيظ القراّن الكريم

الحلقة الثالثة من تسميع القراّن الكريم(أقرأ و أرتقى)