طريقة سهلة و لذيذة لتقديم السلق
مجتمع رجيم / السلطات وَ المقبلات وَ الشوربات
كتبت :
♥♥..fafy..♥♥
-
اولا موضوعي هو مشاركة بمسابقة سوبر شيف
ثانيا حأحكيلكون قصتي مع هالطبق
زوجي بيحبو وعلمني عليه عملتو وقلت رح شارك فيه بمسابقة
سوبر شيف وصورتو وانا عم انقل الصور عاللاب عملت تراجع وراحو الصور
وطبعا مسحتون من الموبايل انزعجت ككتييير وكنت رح ابكي
وضليت نق
قلي زوجي هاتي اشوف وفتح اللاب وقلي هيدول الصور
اتفاجئت وقلتلو منين جبتون
نظرلي نظرة وحسيتو رح يقلي
العقل زينة ل بني آدم بس راعى شعوري
وقلي لاحول ولا قوة الا بالله
المهم حبيبتي ام يانيس بعد هالعذاب لازم يكون الوسام الي
ولا شو
هلأ بنجي للطريقة وهي سهلة جدا وتنفع مقبلات
عشاء اللي بدك ياه وكمان اقتصادية يعني ممكن تعمليها بضلوع السلق بس بدون الورق
يعني اذا حبيتي تعملي بالورق اي طبخة تانية
اولا قطعت السلق وغسلته وسلقته
وحضرت الطحينة مع سنين ثوم وملح وحامض وشوية ماء
حتى تكون الطحينة شوي سائلة
بعد ما استوى السلق صفيته وعصرته من الماء
وخلطته مع الطحينة ووهي النتيجة النهائية
مع زيت ويتون على الوجه
