تجربتي الناجحة في العناية بالمنطقة الحساسة
مجتمع رجيم / الموضوعات المميزه فى المكياج والعناية بالشعر و الجسم
كتبت :
اموشي
-
السلام عليكم ورحمة الله
كيفكم حبيباتي..؟
حتكلم اليوم عن تجربتي في العناية بالمنطقة الحساسة
( ضمن مواضيع نهولة الجميلة )
صح الموضوع جدا حساس و الاغلب يخجلو وكدا
انا كمان من الناس اللي اخجل اني اسأل احد او افكر اقولو كيف اعمل كدا وكدا
واروح للانترنت عشان اعرف اجابات لتساؤلاتي
بس مو دايما النت يكون صح و حتى لو كان صح وفاد غيري مو شرط يفيدني
لانو يختلف من شخص لشخص .
عارفة طولت بس استحملوني
المهم بما أني بنت ومو متزوجة ف عنايتي تعتبر قليلة بالنسبه للمتزوجات وكمان
ما استخدم اي شي سمعت انو كويس لانو اول حاجة لازم اتأكد حيفيدني او لا .
خلينا نبداء .
اول حاجة انا كنت استخدم موس الحلاقة او الشفرة لإزالة الشعر.
الكلام دا لما كان عمري 17 تقريبا
طبعا عارفين الموس يسبب سواد في المنطقة ومرا شي مو حلو
بعدها استعملت مكينة براون للمناطق الحساسة
وبرضو حسيت ما نفعتني ابدا
المهم بدأت اعتني وقولت لازم ادور حاجات للتفتيح عشان الحق نفسي
استخدمت ( زيت الزيتون و ماء الورد و سكر للتقشير وشويا مويا و عصير ليمونه )
حقيقي بعد 3 اساببييع رجعت المنطقة وردية والحمدلله
ف قررت اني ابعد نهائيا عن الحلاقة
واستخدمت مخدر موضعي قبل الازالة بالحلاوة
اسمو xylocaine spray
تاخدي قطنة و تحطي شويا فيها و تمسحي على المنطقة من بررا بسس
تستني نص ساعة وتسيبيها مكشوفة و بعدها تشيلي حلاوة
حقيقي شي مرا سهل ومافي الم ابدا ومالو اثار جانبية .
الحلاوة الافضل من بين كل اللي استخدمتهم هادي لانها بزيت الزيتون
اسمها جواهر الريم وفي زيها بالليمون كمان
المهم دحين مرا مرتاحة والحمدلله
وكل بعد فترة ادهن المنطقة بزيت زيتون وماء ورد
طبعا ما ننسنى التنظيف
انا استخدم صابون جونسون للاطفال لانو مو معطر وحقيقي رررراااائع
وكمان البودرة تبعو مررا جميلة وريحتها رووووعة
و ما ننسى نجفف المنطقة بمناديل بعد كل حمام .
بالنسبه لفوط الاستخدام اليومي , انا احيانا استخدمها
وهيا هادي .
في فترة عانيت من الالتهابات بعد الدورة الشهرية وجدا ضايقني دا الشي
رحت عند الدكتورة وقالتلي بما أنك مو متزوجة احسن حل تستخدمي ديتول
انا احط شويا منو واخففو بمويا دافية حتحسي انو يحرق شويا
بس مررررا يعقم المنطقة وينضفها وتختفي الالتهابات .
واحيانا استخدم مناديل جونسون تبع الاطفال
وبس كدا
عارفة طولت عليكم بس حبيت يكون الموضوع متكامل ويارب يفيد غيري
مع السلامة 
