علمي ابنائك الصدق و اجعليهم يحبونه

مجتمع رجيم موضوعات الأمومة والطفولة المميزة
الكاتبة: شيمـو

علمي ابنائك الصدق و اجعليهم يحبونه

السلام عليكم ياحبيبات ريجيم وصباح الخير عليكم

النهاردة حبيت اتكلم معاكم في موضوع مهم جدا في وقتنا الحالي وهو الصدق
ازاي نعلم اولادنا الصدق وكمان نخليهم يحبوه
طبعا معظمكم عارف اني لسة متجوزتش فاهتقولوا طيب ازاي عرفتي حاجة زي دي
انا قريت الموضوع ده عالنت ولفت نظري بشكل كبير لان طريقته سهلة ومبسطة وممكن اي ام تتبعها وعلشان كده حبيت انكم تستفيدوا معايا وانا كمان استفيد علشان اولادي
ده باعتبار ما سوف يكون يعني

في البداية هانتبع طريقة اسمها طريقة الامثلة وهي عبارة عن لعبة كده بنلعبها مع الاولاد مثلا :

تسالي ابنك سؤال : السماء لونها اخضر صحيح ولا غير صحيح ؟
يقول ابنك غير صحيح
تشاوري مثلا علي راسك وتقولي دي راسي صحيح ولا غير صحيح ؟

هايرد ابنك صحيح
النملة اكبر من الفيل صحيح ولا غير صحيح ؟
هايقول غير صحيح
وهكذا اسئلة من النوع ده وفي المرحلة دي المقصود تعليم الطفل الفرق بين الصح والغلط

في المرحلة التانية هانحول المفاهيم البسيطة دي ونبدلهم بالصدق والكدب يعني هانخلي الصحيح صدق و الغير صحيح كدب

مثلا : انت عارف الشخص الي بيقول كلام غير صحيح بنسميه ايه؟ اسمه كداب
وبعد مايكون فهم النقطة دي كويس تبتدي تكرري الاسئلة الي فاتت بس بعد ماتبدلي الكلمات يعني مثلا تقولي :

السماء لونها اخضر صدق ولا كدب ؟
يقول ابنك كدب
النملة اصغر من الفيل صدق ولا كدب ؟
يقول صدق

ومن هنا بقا تبداي توريله اهمية الصدق في مواقف اكبر يعني مثلا ترمي قطعة نقود علي الارض وتقوليله انت اخدتها ؟
طبعا هايقول الحقيقة لانه حصل قدامك ساعتها هايعرف فايدة الصدق والفرق بينه وبين الكدب

وعلشان تحفزي طفلك انه يداوم علي الصدق ويحبه اعمليله جائزة اسبوعية لو قال الحقيقة دايما حتي لو غلط وقوليله ماتخافش حتي لو غلطت قول انا مش هعاقبك بس اوعا تكدب هتلاحظي انه فعلا مع مرور الاسبوع الطفل فكر في الصدق و الجائزة الي هايخدها اخر الاسبوع

تالت مرحلة هي مرحلة المديح والعقاب :
يعني مثلا لو طفلك عمل غلطة حتي لو ضايقتك اوي معلش استحملي وخاليكي باردة وامدحيه لو اعترفلك انه عملها وقوليله انت شاطر لانك مكدبتش وقلت الحقيقة
النقطة دي بالذات بتولد في الطفل حب انه يقل الصدق دايما لان الطفل بصفة خاصة بيحب اوي اللي يمدح فيه ويقله شطوووور
اما في حالة لو كدب من الافضل انك تتجاهلية وماتعرفيهوش انك عرفتي انه كداب لانه هايتعودعلي كده ولكن حاولي انك بطريقة او باخري تحببيه في الصدق بانك تفكريه دايما بالجايزة الي مستنياه اخر الاسبوع واديله اهتمام اقل من الطبيعي اللي متعود عليه منك علشان يحاول هو يلفت انتباهك بانه يخليكي تمدحيه وتهتمي بيه من تاني فايقول الصدق .

ارجو اني اكون افتدكم ويكون اسلوبي سهل ومفهوم
مع السلامة






· النملة أكبر من الفيل : (( غير صحيح ))
الكاتبة: Coeur de Rjeem

راااااااااااائع يا عمري
صح تعليم الصدق للاطفال من اهم الامور
لا تنسي تحطي موضوعك هنا حبيبتي
http://forum.rjeem.com/showthread.php?t=159879
و تم النشر و التقييم يا عسل
الكاتبة: ♥♥..fafy..♥♥

روووووعة شيمو
موضوع مهم جدا وحساس
والنقطة الثالثة انا بعملها مع اولادي وبالفعل النتيجة رووووووعة
المهم هو عند الخطأ لا نعاقب عقاب قوي يصير الولد يخاف يقول انه هو اللي أخطأ
الكاتبة: شيمـو

تسلمولي يا قمرات ولكن نهولة انا مش عارفة ازاي احط الموضوع في الرابط ده هههههههههههههه معلش اول مرة امر بخطوة زي دي ياريت تقوليلي ازاي وانا احطه تسلمولي
الكاتبة: ام يانيس

حلو كثير الفكرة وبسيطة
يسلم ايديك على الافادة
الله لا يحرمنا منك يا رب
تقيمي
الكاتبة: الرباب

طريقة جميلة في تعليم الاطفال الصدق في ميزان حسناتك حبيبتي شيمو
الصفحات 1 2 

التالي
السابق