دور العين والحسد في حياتنا
مجتمع رجيم / النقاش العام
كتبت :
♥♥..fafy..♥♥
-
حبيباتي وردات منتدى رجيم الغالي
اليوم حبيت ناقش معكم قصة العين والحسد
بالفترة الاخيرة صرت كتيير اسمع عن العين والحسد
مثلا وقع ابني كم مرة وبعدها مرض ومرضت انا بيقولولي عين
ما فهمت وين العين بالموضوع يعني ولد طبيعي يوقع ويمرض وانا كمان طبيعي امرض
شو الها علاقة العين بالموضوع
عندي رفيقة كتييير بتحسب حساب العين
يعني ما تحكي عن شي منيح بحياتها بس ممكن مشكلة او خناقة تقولها
وبتضل بتقول نحن معيونين
انا ما بنكرانو للعين حق وانو العين والحسد موجودين
عَنْ أَبِي هُرَيْرَةَ قَالَ قَالَ رَسُولُ اللَّهِ صلى الله عليه وسلم الْعَيْنُ حَقٌّ وَيَحْضُرُ بِهَا الشَّيْطَانُ وَحَسَدُ ابْنِ آدَمَ . حديث ضعيف رواه أحمد في مسنده ،
سؤالي أخواتي
وين الاتكال على الله بأنه هو الحامي
بعدين ليش كل شي عندنا لازم نفكر انه الناس محرومين منه وانه ماحدا بيحب لنا الخير
معقول العين تصير هاجس عندنا لدرجة انو نقلب حقايق حياتنا مشان الناس ما يحسدونا
موضوع اله فترة شاغلني وياريت حبيباتي تتفاعلو معي وتعطوني رأيكم
تفيدوني أنا غلطانة و لا معي حق