المعجنات على طريقتي

السلااام عليكم كيف الحال طبعا انا من اهل المعجنات ههههه يعني بحبهم لدرجة كبيرة واكتر وحدة فالبيت بتفنن فيهم ههههه😁😁 حبيت اشاركم طريقتي وان شاء الله...

مجتمع رجيم / المعجنات وَ السندويشات
نور نونا
اخر تحديث
المعجنات على طريقتي

السلااام عليكم
كيف الحال
طبعا انا من اهل المعجنات ههههه
يعني بحبهم لدرجة كبيرة
واكتر وحدة فالبيت بتفنن فيهم ههههه😁😁
حبيت اشاركم طريقتي وان شاء الله تعجبكم


اول شي العجينة


طبعا الطحين على هواكي

والا انا بضيف على الطحين

ملح
سكر
خميرة
باكينج باودر
بيضتين
فانيلا طبعا انا بحب استخدم السائلة بحط منها عالبيض ومنها على ماء العجن بتطلع ريحة العجينة حلوة كتير
زعتر بري مجفف بفركو باصابعي وبحضو
كاسة سيرج او زيت الذرة هوا هوا
وحليب بودرة

طبعا كل هاد الاضافات على طحين قبل العجن وبعجنهم بالماء الدافئ الي مضاف الو الفانيلا
وبعد العجن بخليها ترتاح ساعة كاملة

الان نروح للحشوات

اول شي بعمل حشوة اللحمة
بقطع بصل وبخليه يذبل بالمقلاية وبضيف فوقو اللحمة
وبعد ما احركهم عالنار واشوف اللحمة تغير لونها بضيف عليهم بندورة مقطعة صغير وبضيف فلف حراق
والتوابل الي بضيفها هيا
ملح ،فلفل اسود ،مشهيات طعام،شوية قرفة ،ومكعبات ماجي
هاد اول حشوة
😄😄😄😄😄😄😄😄😄😄😄😄😄🌁🍕🍕🍕🍕🍕🍕🍕🍕🍕🍕🍕🍕🍕🍕🍕



الحشوة التانية

الجبنة

انا بستخدم جبنة فيتا بيضا
وبضيف فوقها ملح وزعتر وزيت زتون

وقسم تاني بضيف عليه ملح وفلفل حراق احمر مخروط

يميييي بتطلع زاكية


والقسم الثالث زعتر
بقطع بندورة قطع صغيرة وفلفل اخضر حراق برضو قطع صغيرة وبحط عليهم الزعتر والزيت
القسم الرابع
انا بسميها خلطة البيتزا هههه
وهيا عبارة عن
فلفل حلو بقطعو عيدان
وعلبتين فقع
وزيتون اسمر مقطع
وجبنة مبشورة
طبعا بحط الفلفل بالقلاية لحتى يذبل شوي
وبضيفلو الفقع والزيتون
وبتبلو بتوابل البيتزا والملح والفل الاسود
وبحط الجبنة فوقهم
صراحة زاكي كتير طعمها



وخامس شي
الشكولاتة
طبعا علبة الشيكولاتة ما بضيفلها شي هههه
وهاد هيا الحشوات اللي بعملهم

طبعا فالعجينة ابدعي وعادي غشي من النت حركات وطرق اشكااااال للعجينة ههههه
رووعة لما اقعد اخترعلهم اشكال
بس مراات ماما بتعصب علي وبتسميني سلحفاء هههه

يلا طولت عليكو بتمنى يعجبكم حشواتي
السلاااام عليكم💋💋💋
لولو اسيل
اممممممممممم اكيد طعمها حلو ,,, ابعتيلي شوية .. عم استنى ,,,تسلم ايديكي حبيبتي الغالية,,,مواح
نور نونا
صراااحة الصور جاهزة
بس مابعرف ابعتهم 😰😰😰
مش راضي يبعت
المهم تسلميلي انتي
نورتيني 💋💋💋💋💋
قاهرة الدهون
يا ريت لو فيه صور
من الوصف شكلهم لذيذ
تسلمي
اغاريد & رجيم
يييييييم
ايش هاد نوارة فنانة من الصبح شي يفتح النفس
وفعلا محتاجة صورة حتى نستمتع
طيب ماقلتيلي انت تدخلين من الكومبيوتر
نور نونا
اي 😣😣مش راضي يعمل اختيار ملف
يمكن عشان تابلت مش كمبيوتر

يالله
تسلميلي حبيبتي😘
الصفحات 1 2 

التالي
السابق