يوميات نيفين للقضاء علي السمنة مين تشاركني

اول ماستيقضت من النوم كلي نشاط / لعبت رياضة لمدة ساعة متنوعة نط حبل 100 مرة و مشي ساعة وبعدين خلصت /بلشت الفطار / قطعة 1. جبن قليلت دسم فقط/ الغداء خضراوات مسلوقة جيدا /العشاء زبادي وخلص /

نيفين بالنسبة للميزان انا عم يكون يوم الاتنين يعني بكرا اذا الله راد وباخده يوم فري

شموع حبييتي الله يقويكي ريجيمك صعب بس بدي اسألك مش انتي بترضعي كمان؟ انا بعرف انه المرضعة ما لازم تعمل ريجيم قاسي عشان الحليب ما يتأثر ...

نداء ما شاء الله يومك رائع بالتوفيق حبيبتي

السلام عليكم
ماشاءالله حلوة المشاركات ان شاءالله بكرا صايمة ماهو الفطور المناسب للرجيم اتمنى اتفيدوني
وزني 85 وطولي 169
واتمنى يكون 74

مرحبا صبايا كيفكن انا اليوم هلكت كان عندي ضيوف و طول اليوم ركض تغديت معاهم بس حاولت املي بطني سلطة ههه و العشاء زبادي اكيد ......ندي يومك رائع حبيبتي استمري ....شموع شو اخبار التفاح يومك كيف كان سهل طمنينا ........وين نجمة مو مبينة ......بنات شو رايكم الميزان يكون السبت

اما انا بالنسبة ليومي
الترويقة كانت نص رغيف اسمر و فول و كوب شاي بملعقة صغيرة سكر
سناك موزة صغيرة و بعدين سناك تاني 3 تمرات و حوالي 10 حبات مكسرات
الغدا كان صحن رز وكبة بلبن ثم سناك حوالي 6 مشمشات ..العشا كان نص رغيف اسمر لبنة و جبنة و 4 حبات زيتون
وهيك خلص نهاري على خير الحمدلله حتى اني ما اكلت حصتي المسموحة من الحلو

صح على فكرة جبت بذر كتان !! بس ما كان عندي لبن الا شوي حطيت شوي فوقن و اكلتن طعمته منيحة ما بتشكي من شي مع انه العطار قللي كيف بدك تاكليه كتير مر !! ههه

بكرا ناوية الصيام اذا الله راد عليي 4 ايام لازم اقضيهم قبل رمضان

تصبحوا على رشاقة و سعادة مممموا

اوك نيفين انا موافقة من الاسبوع الجايي بعمل ميزاني السبت ما عندي مشكلة اذا انفقتوا على هالنهار
الله يعطيكي العافية حبيبتي ونهارك كتير منيح بالتوفيق