رحلتي الى الرشاقة بأذن الله ..مع ريجيم السوائل في رمضان ☺☺☺

مجتمع رجيم / يوميات الرجيم
كتبت : ديمومة ام يوسف
-
أغاريد &ريجيم
تسلمي يا حلوة وان شاء الله رمضان مبارك عليكي وعلى كل أحبابك 😙
كتبت : ديمومة ام يوسف
-
اليوم الحمدلله على الفطور اكلت زبديتين شوربة ذرة بس بدون كريمة خفيفة يعني شوي ..بحبها لأن بتشبع
وشربت مي كتيير وعلى السحور كمان رح اخد زبدية منها 😊وعم اخد كمان فيتامينات منشان ما ينقصني شي ..والحمدلله
كتبت : ريمو سوريا
-
الف مبروك الافتتاحية غاليه

بس مو كان قليل اكلك و يعتمد ع طبق واحد بس &_&

برأيي اعتمدي ع نظام تخفيف بس منوع ...بيكون نزولك بطيء بس صحي و بلا رجعه


عن تجربة..انا من شهر 1 لحد هلا متبعة تخفيف وألف الحمد لله خسرت شي 20 كلغ و الكل بيقلي شكلك تغير كتيررر لأن بين علي بالشكل اكتر من الميزان ..انا ما حسيت ه حالي حتى فكرت اني ما نحفت بس كل من يشوفني يقلي نحفتي

وكل لي يعتمد عليه تخفيف أكل نظام سعرات حراريه ما تتعدى 1200 سعره باليوم و بأكل من كل شي و بشرب مي كتير حوالي 2 لتر ..

وزني حاليا بيجوز 73 لشه ما وزنت من بداية شهر رمضان ..و قبل التخفيف كان وزني 92 واااع الله لا يعيدووووو طبعا ان شاءالله


أسفه طولت عليكي خيتو بس حبيت انقلك تجربتي


الله يوفقك يارب
كتبت : ديمومة ام يوسف
-
تسلميلي حبيبتي ريمو سوريا ..يسلمو لانك قلتيلي تجربتك ..والف مبروك النزول ع قبال ما يصير وزنك 60 ان شاء اللله ..😉😘😘
انا بيجوز عم اقسى شوي على حالي لان كتييير متدايقة من جسمي ما في شي عم يلبسني ..مليييييييت 😭😭بس قررت اعمل الشوربة الحارقة من بكرا بأذن الله و دخل معها شوية اكل ..بس لحتى اوصل للتسعين بعدين ان شاء الله بصير تخفيف على الدى الطويل ...
شكرا حبيبتي عالنصيحة 😙😙
كتبت : ريمو سوريا
-
مافي شي من واجبك حبيبتي

اكيد فهمانه عليكي لأن جربت ه الشعور وقت كنت ب التسعينات كمان ...الله ينحفا بصحة و سلامة

بس كمان تخافي مستوى الحرق يتأثر عندك ازا قسيتي ع حالك و يبطل الجسم يحرق أو يمر بمرحلة الثبات لا سمح الله

لهيك من رأيي بلشي ب التخفيف شوي شوي مشان تحافظي ع مستوى حرق الدهون

وزنك × 24 ساعه - 600 هاد بيكون عدد السعرات لي لازمتك ..معلومه قريتا هون منزنيفيلينا بظن..بس و ازا كنتي حامل او بترضعي زيدي 200 أو 300 سعره.


فطورك مبارك و تقبل الله طاعتك
كتبت : ديمومة ام يوسف
-
تسلمي حبيبتي ..😙😙رح اشتغل بنصيحتك باذن الله
بس ما فهمت عليكي بالضبط بخصوص عدد السعرات ..يعني مثلا انا وزني 103 اديش لازملي سعرات باليوم ..اذا بتريدي بدي عذبك حبيبتي
الصفحات 1  2 3