سمبوسك من مطبخي

مجتمع رجيم / السلطات وَ المقبلات وَ الشوربات

كتبت : شيمـو

السلام عليكم يا حبيبات ريجيم

زي مانتوا عارفين رمضان يحب الطبخ وانا بما اني لسة ماتجوزتش فموضوع المطبخ ده علي ماما اكتر ولو اني بحب المطبخ جدا

بس من وقت للتاني كده بحب اعمل حاجات بايدي

والنهاردة عملتلكم سمبوسك حادق طعمه رووعة

تعالوا نشوف

المقادير :

1 . 2 كوب دقيق .
2 . ملعقة صغيرة ملح .
3 . ماء دافيء للعجن .
4 . 2 ملعقة سمنة او زبدة .

للحشو :
طبعا دي حسب الرغبة ولكن انا استخدمت :

1. لحمة مفرومة نسيت اصورها ههههههههه

2 . زيتون اخضر واسود مخلي من البزر انا بقطعه بايدي ولكنه بيتباع جاهز عادي

3 . جبنة بيضا مخلوطة بقليل من الحليب والنعناع المفروم

الطريقة :
نحط الملح فوق الدقيق و نعمل حفرة في الدقيق ونحط جواها السمنة ونخلط وبعدين نضيف المياة تدريجيا لحد ما تتكون عجينة متماسكة تقدري تشكليها براحتك

وبعد كده تاخدي حتت من العجين علي الاشكال اللي تعجبك وتحشيها بالحشوة اللي تحبيها
انا خلطت الزيتون الاخضر باللحمة المفرومة وخلطت الجبنة بالزيتون الاسود

تسخني الزيت عالنار ويكون زيت وفير وتحمريها فيها بحيث تاخد اللون الاحمر الدهبي وتطلعيها

وده شكلها اللي مالحقتش اصور منه غير التلاتة دول هههههههه

صدقوني طعمها روعة بجد وسهلة جدا

وطبعا لو عايزاه حلو بتبدلي ملعقة الملح بملعقة سكر وبتحشيها بنفس مكسرات القطايف او اي شيء تاني تحبيه وتحطيه في الشربات بتاع القطايف برضه

وبالف هنا وشفا