من جديد رحلة الوصول للمثالي ان شاء الله

الف الحمد لله على سلامتك أم زكو..الله يقويكي و يعطيكي الف عافيه يارب

بقيه يومي ..

العشا ..دجاج مشوي + صحن سلطه سيزر


الحمد لله رب العالمين

مساء الخير ريمو
الفطور كان شريحتين توست و ملعقة زبدة فول سوداني

الغذاء خمس ملاعق بلي قمح و شوية لحم
لعبت رياضة ساعة
و الغشاء كان قطعة لازانيا
اليوم كثرت شوية كربوهيدرات عمدا لانها تمنعني من التخبيص في الحلويات

السناك قطعتين دارك شوكلت
و نخليك اليوم هو نص كاس كوكا،تقريبا شهر ما دقتها و لكن اليوم كان حر و شربت
المهم كيفك يا ريمو

هلا والله ب أم زكو

ريتو الف صحه وهنا...مادام عم تلعبي رياضه و ما عم تجاوزي السعرات الحرارية بقى أن شاءالله كلو تمام

شدي حيلك ..بكرأ الميزان أن شاءالله

يارب كلو خير

يومك حلو ..ماشاء الله...

بالنسبه الي

الفطور.. كان زبادي + + بسكوت الشوفان + موزة

الغدا.. متأخر لأن كان عندي شغل كتير ..صحن شاورما + سلطه

العشا.. فطيرة محشية سبانخ

شربت 1.5 لتر مي و نصف لتر بيبسي دايت هههه متلك والله أم زكو صرلي زمان ما شربت لا كولا و لا بيبسي بس اليوم مع التعب و الشوب شربتها

مشيت 45 د

الف الحمد لله رب العالمين

بكرا ميزانا أن شاءالله...وزني كان 70 الاسبوع الماضي ..يعرب خير

تصبحي بالف خير

انت توأمي يا ريمو
نفس التخبيصات في نفس اليوم
المهم وزني الاسبوع اللي فات 77.8
اليوم نفس الوزن
مع انه قلبي واجعني و لكن صراحة انا مواصلة مهما كان ودة فعل جسمي الغريبة

يسعد مساكي ام زكووو

كيفك....انا تمامات الف الحمدلله رب العالمين


متل ما قلتلك ...وقفي الرياضه هالاسبوع واكتفي بس بالمشي ..بس لتشوفي الفرق

وخدي يوم فري منيح مشان ما يتعود جسمك ع الريجيم

نوعي في السعرات تبعك ..مره متلا 1200.. مره متلا 1300 واخر شي وصلي للاكتر رقم من السعرات المسموحه حسب وزنك وطولك طبعا

لا تياسي حبيبيتي ..مستمرات ان شاء الله ورح نوصل لهدفنا ياااارب


بعدما راح انتفاخ الدوره الله يكرمك...الاسبوع هاد الف لحمدلله رب العالمين


لقيت وزني 68 ليليليليلليليليليليلليليليليليش


مابعرف ازا الميزان خربان ولا عنجد نزل وزني

بكرا برجع اتاكد وبخبرك ان شاء الله

يومي كان

الفطور..صحن شوفان + زبادي + موزه

الغدا متاخر مع كتره الشغل..سلطه يونانيه + شاورما لحم ودجاج

بعدها اكلت فطيره محشيه سبانخ متل مبارحه


شربت 2 لتر مي

و نص لتر بيبسي دايت ههههه مابعرف شو صايرلي هاليومين...شووووب ومافيني قول لا للبيبسي بس رح حاول وقفوا ان شاء الله


هلا طالعه مع رفقاتي شوي

رح حاول ما خبص رغم ان اليوم الفري تبعي

يمكن اكل ايس كريم مشان كسر روتين الاسبوع


دمتي بخير

قبل ما انس...رح تشتركي ب مسابقه شهر 9.. ولا شو رح يكون برنامجك

ازا انتي بتشتركي ..انا كمان بشترك

ناطره قرارك

الله يوفقنا يارب