اخر مرة هاعمل ريجيم ان شاء الله

مجتمع رجيم / يوميات الرجيم

كتبت : موكا_موكا

[CENTER][SIZE="5"]السلام عليكم
اولا انا مشتركة جديدة فى المنتدى و ثانيا من اسم المنتدى اكيد انا جاية هنا بادور على اللى نفسى فيه انى اخس و اوصل لوزن مثالى بالنسبة لى و يكون شكلى زى مابتمناه انا عاوزة اقولكوا قبل كل حاجة انا بقالى 3 سنين باعمل دايت اخس و ارجع اكل فترة فاتخن اللى خسيته و هكذا بصراحة مكنتش باشارك مع حد فكرة الدايت و مشاكلى معاه و احساسى بالاكتئاب منه بجد و مبوصلش لحل زى ما اكون وصلت لنقطة و مش عارفة اتقدم خالص انا عارفة ان اللى واقف فى طريقى هو انا و نفسى بجد احقق حلمى مع الدايت و الخسسان فانا قرررت اخس و هاعمل دايت عارفة انى هاخد وقت بس انا مش عاوزة اقع فى نفس الغلطة اللى وقعت فيها قبل كده انا عاوزة اكمل للاخر عاوزة اخس خالص فانا هاشاركم يومياتى فى الدايت هنا و اتمنى انكم تحفزونى و ان شاء الله اخس
انا طولى 174 و وزنى 90 و عاوزة اوصل ابقى 70 كيلو ان شاء الله
انا هابدا من الصبح ان شاء الله اول يوم ريجيم 25\7\2015 الاحد
و هتابع وزنى معاكوا بكل اسبوع و ان شاء الله ربنا يقوينى و يثبتنى و اقدر اخس لانى على قد مابكره الدايت و الريجيم انا بكره التخن اكتر منه
و اتمنى اقابل هنا اصحاب كتير يشجعونى و يساعدونى فى رحلتى مع اخر ريجيم و اكتر ريجيم هاخس فيه
دعواتكم