مجتمع رجيميوميات الرجيم

يوميات رمضانية

رمضان كريم


كل عام وانتم الى الله أقرب ولفعل الطاعات أسبق وإلى الجنة أرغب

طبعا الموضوع مب موضوع مسابقه .. أنا طلبت منكن نفتح صفحه يديده ليوميات رمضان لان صفحة المسابقات لشهر 4 تشبعت ..
وممكن بهالطريقه العضوات اليداد يتفاعلن أو الي ما شاركن في موضوع مسابقه رجيم .. لانهن بيكونون معانا فبدايه المشوار ..
الموضوع هو يومياتنا .. عسب ما نخرب في رمضان و نحوله لشهر أكل .. ونتم متابعين بعضنا ننصح و نعين على الخير ..

طبعا أولا :
زيادة الطاعات و الأذكار و قراءه القرآن و التراويح والتهجد و الصدقات ..
ولو أي وحدة عندها موضوع إيماني مميز يزيد من الأجر .. ممكن تشاركنا فيه



وجانبا :
محافظتنا على الصحه في رمضان ..
طبعا أطباق رمضان تتنوع و تتزين في هالشهر .. و أسماء أكلات ما نعرفها .. نبدا نتعرف عليها في رمضان
و شبكات التواصل تخلي الي ما تعرف تطبخ .. تستوي شيف عالمي !!
المهم مع كل هالإغراءات .. نوصل لنهايه رمضان مع 10 كيلو زيادة

الأدهى انه مب معقوله صيام 14 ساعه ولا أكثر و نعوضه في 6 ساعات و نااااكل لين التخمه (حسبت نوم الليل 4 ساعات ... لان الليل قصييير)
الأصل في الإفطار مب تعويض صيام الجسم بالأكل .. بالعكس نحن بهالجوع نعرف قدر النعمه ونحمدها و نذكر اخوانا الي قصرت عليهم اللقمه و و (ما بطووول عليكن )

عسب جي .. نريد همه مثل الحديد

واكييييييد انتن قدها وقدوووود ... ولا ؟؟؟؟؟؟؟؟؟؟؟؟



كل وحدة حابه تشاركنا بيومياتها تكتب:
الوزن حاليا:
و كيف كان أكلها



وان شاءالله ايد بإيد نشجع بعض لصيام و فطور صحي
كالعاده الميزان كل أسبوع يوم اليمعه ..
وهاي اساسيات ممكن الواحد يتبعها لو ما نقص على الأقل ما في زيادة :

- الإبتعاد كليا عن المقالي و استبدالها بالمشوي ( الي بالفرن )
- الإبتعاد عن السكريات مثل الحلويات والمشروبات الغازيه .. لانها ترفع نسبة الإنسولين فالدم بشكل حاد فيزيد الجوع و الرغبه بالأكل (خاصه مع قصر ساعات الفطر مقارنه بساعات الصيام)
- السعرات الطبيعية .. فيكون الفطور بسيط جدا .. وعقب ننتقل للسلطات و عقب للشوربه و النشويات و البروتينات ..
- مع رمضان يقل استهلاك الماي و نستبدله بالعصاير و القهوة .. بس هذا خطأ كبير .. وللي يريد ينقص افضل شي يلتزم بكاسين ماي وقت الفطر و 4 كاسات ماي على العشا لين وقت النوم .. و كاسين ماي على السحور
- الرياضه مفييدة جدا للي يريد ينقص في رمضان .. وافضل وقت يكون قبل الفطار بساعه ولا ساعتين .. عسب ما يصيب الجسم جفاف .. و افضل الأنواع هي الكارديو .. تمارين القوة زينه بس العضل يحتاج تعويض مباشر و ممكن تمارين القوة تكون عقب الفطور
- النوم الطبيعي .. و للأسف ما ادري كيف ممكن ننام في رمضان .. الليل قصير و كل شي نريد نسويه فهالفتره .. و الصبح نتكاسل .. و أغلب الناس تتعذر بالصيام و يكون نهارها نوم ..
الف مبروك اليوميات الجديده وعاشت الايادي ياصفصوفه عالمجهود كلامك صحيح وويارب تكون بدايه موفقه لكل البنات انا وزني الجمعه كان 84.8 بس للاسف بعدها خبصت ف احاول اروح الزياده الثلاث ايام الباقيه من هالاسبوع اليوم باذن الله راح افطر ع رطب وكوب ماء بعدين كبه برغل مشويه بالفرن قطعتين وسلطه وكوب عصير تمر هند بسكر دايت وبعد العشاء باذن الله اكل فاكهة بس احاول العب رياضه قبل الفطور ولي عوده
مبارك اليوميات الجديدة و مشكورة صفصوفة على الخطوة والنصائح

انا وزني اليوم 68.5 و طولي 168 ( عشان اذا في حدا جديد معنا )
للاسف وزني ثابت في رمضان لحد الان..يمكن اللي ناقصني حركة زيادة ..اليوم بحاول امشي شوي قبل الافطار ..

اليوم فقت كان عم يادن الفجر يعني اليوم ما تسحرت ..
هلا فيج حبيبتي ميرا .. مب مشكله التخبيص .. أهم شي انج تتلاحقين على عمرج .. و نحن بعدنا لسا في أول رمضان

هلااا نحووومه .. منافستي ..
اخر مرة قست كنت 66 .. طيعا زايدة .. بس بشد حيلي ان شاءالله
اللهم لك صمت و على رزقك أفطرت ..
الحمدلله أفطرنا .. تقبل الله صيامنا و صيامكن

::: نظامي اليوم :::
السحور: 2 علبة زبادي + 3 ملاعق هريس .......الماي: 3 كاسات
الفطور: 5 تمرات + سلطه (جرجير + طماط + مكسرات + دبس الرمان + عصرة ليمونه) ..... الماي: كاسين
وجبة خفيفه: مانجو + 1 موز ....... الماي: كاسين
العشاء: صحن كبير شوي شوربة شوفان ....... الماي: كاسين

الرياضة:
سرت الجيم الساعه 5 و سويت كلاس واحد و عقب على جهاز السير 20 دقيقه

الإهتمام:
سرت السونا و بغيت انشفط من العطش !!!!!!!! (قعدت 6 دقايق بس)
مقشر للجسم + Pritty slimming cream (خذته من فتره وبديت استخدمه من اليوم .. أكييد هو ما بيخفف الوزن .. الرياضه والدايت هي الأساس )


.. أنا شاااده الهمه .. عسب ما تغلبني نجوووومه ..
1 2  3  4  5  ... الأخيرة
كلمات ذات علاقة
يوميات , رمضانية