يومياتي نحو حياة مختلفة

اليوم الرابع :

مبارح ما دخلت المنتدى ..كنت كتير مشغولة بس الحمدلله كنت ملتزمة
واليوم كمان الحمد لله..
تروقت شوفان بالتمر و تغديت رز وملوخية..قللت كمية الرز عن المعتاد و كترت الملوخية..
بالصيدلية اكلت خوخة و دراقة
ومن شوي اكلت 3 كوكيز الشوفان مع عصير دايت..

جربت وصفة الغرانولا..عملتها بالفرن ومن شوي دقتها مع حليب ..بصراحة ما حبيتها..فيها شي غريب..طعمة الشوفان فيها لازم يكون غير..توقعته يكون قريب للكورنفليكس..
يمكن في شي بوصفتي غلط ..ما بعرف..بس اد ما سمعت عنها قلت اكيد كتير طيبة..او يمكن ما بتتاكل مع حليب..ما بعرف ..

نجوووومه ... مباارك علييج موضوع اليوميااات .. وبرااافو على إلتزاامج
أنت صج اسم على مسمى .. نجمه الرشاقه

وحبيبت اليوميات .. يعني قدر ما تقدريت تخلين الألتزام في كل شي .. والله برااااااافو علييييج

وعن الغرانولا .. انا امووت عليها .. بس الفرق إني أبتعد عن حليب البقر مرره ... والله احسه ما يناسب معدتي .. و يسويلي نفخه
فاستخدم بداله حليب جوز الهند و مع الغرانولا يطلع خياااال .. الغرانولا الي استخدمها جاهزة ... انتي كيف تسوينها ؟

صفصوفة شكرا حياتي على التشجيع الحلو !
الغرانولا خلطت شوفان تقليدي مع زبيب ولوز و شوية زبدة الفستق و شوية عسل مذوب بالماء و فرشتهن على صينية و حطيتهن بالفرن حتى تحمصوا...
الطريقة من النت..لقيت كتير طرق ..يمكن زبدة الفستق هي اللي خربت الطعم..ان شاء الله بجرب بدونها و بخبرك بالنتيجة..

حابة جرب حليب جوز الهند..بسمع عنه بس ولا مرة جربته..

اذا لقيت بالسوبرماركت بجيب وبجربه مع الغرانولا..

بالتوفيق حبيبتي

ما فتت هاليومين عيومياتي ..عشان كتير انشغلت..بنتي محرورة و بتعرفوا لما الولد يمرض الاهل شو بتكون حالتهن..

المهم اني مش عم خبص بس كمان اكلي مش كتير صحي لان ما معي وقت جهز وجبات صحية ولا حتى غير صحية هههه..

المهم بدي خبركن انه زنت وزني من شوي و طلع نازل كيلو !!!

صار وزني 67.8 ..
الحمدلله رب العالمين ..ما توقعت ينزل لان التزامي بعده مش كتير قوي..بس الحمدلله هيدا حافز لكمل...

مبروك النزول
ودامك مرتاحة على النظام فراح تنزلين وانت مودعه الستينات ان شاء الله
اجتهدي ولك نصيب 🌷🍁🌷

الله يبارك فيكي ياسمينة حبيبتي
الله ينولك اللي ببالك