يومياتي نحو حياة مختلفة

السلام عليكم حبيباتي في منتدى ريجيم
اليوم قررت افتح يوميات خاصة بي على الرغم من انني اشارك في يوميات مشتركة مع البنات..رح كمل هونيك بس حبيت يكون عندي مساحة خاصة اقدر اكتب فيها رحلتي بالتفصيل وتضل توثيق ارجعله بعدين..

من فترة وانا بحاول اتبع نظام حياة صحي ..يعني اكل صحي و رياضة ولكن انتكس بين فترة و اخرى ..

هالمرة هدفي الحقيقي ليس نزول الوزن او الوصول الى وزن معين..هدفي الاول هو تغيير نمط حياتي نحو الافضل..من اجلي و من اجل ابنتي وعائلتي كلها..

سوف اكتب كل ما اقوم به من تغييرات في هذه اليوميات وحتى افكاري ساكتبها..وانا متاكدة انني اذا غيرت نمط حياتي وزني الزائد سيختفي بلا رجعة..
وزني حاليا 68.8 و طولي 168..عمري 30 سنة..

توكلنا على الله..

اليوم الصبح مشيت عالجهاز نصف ساعة مع انه بنتي كانت فايقة بس قلت لحالي ما في هروب هههه تركتها مع زوجي و عملت رياضة..
تروقت شوفان بالكاكاو و الموز و العسل...وجبة مشبعة و كتي. طيبة...انا اذا كل يوم باكل شوفان عالترويقة ما بقول لا..كتير بحبه و كتير بقدر اتفنن بالاضافات عشان ما ازهق...

بالصيدلية شربت كوب نيسكافيه بدون سكر طبعا لحد الان..بعد عندي ساعتين بالصيدلية بدي قاوم و ما اكل شي بعد لارجع عالبيت..

محتارة بالغدا شو اعمل..لشوف شو بيطلع معي..

نجومتي انتي قدها و قدود و متميزة بطموحك و محاولاتك و الله حفزتيني صارلي زمان تخبيص بتخبييييص أتمنى لك التوفيق و القدرة على اكمال مسيرتك

حبيبتي يا امولة شكرا على تشجيعك
وانتي قدها وقدود يلا نرجع للحماس و النشاط..
الرضاعة ما لازم تكون عائق لنزولك الوزن بالعكس لازم تساعدك على النزول بس المهم انك ما تنزلي بسرعة يعني ما تعملي ريجيم قاسي..

مسا الخير

كمالة يومياتي:
بالصيدلية عالساعة 1 كتير جعت فاكلت علبة كورنكيك ..سعراتها قليلة..
عالغدا عملت رز بفول و اكلت صحن صغير مع شوية لبن..
قررت عطول اكل بهيدا الصحن عشان قلل الكميات..

رجعت طلعت عالصيدلية مرة تانية لان الموظفة اضطرت تروح..
بالصيدلية شربت مشروب غازي دايت..

عال 8.30 رجعت عبيتي وعملت جاط سلطة اكلته عالعشا و اكلت خوخة لان طلع عبالي شي حلو..

هيدا بالنسبة لاكلي اليوم..كان جيد الحمدلله..

اما بالنسبة لمعنوياتي فكنت مرتاحة الحمدلله..لا تعصيب ولا كابة و لا مزاجية..واهم شي لا توتر..الفترة الأخيرة كنت عم عاني من مستوى عالي من التوتر وبدون سبب مقنع..يمكن السبب هو فقك تخبيصي بنظامي وعدم الالتزام ..

اليوم حضرت فيديو عاليوتيوب بيحكي عن انواع الاجسام ..انا جسمي من النوع الاستروجيني..يعني الاستروجين عندي مرتفع عشان هيك سمنتي مركزة بالاوراك و الفخذين والمؤخرة..
بدي اعرف بعد اكتر عن هالموضوع عشان شوف شو الاكل اللء بيناسبني وشو الرياضة الافضل الي..

تلخيص اليوم الثاني كوب ماء على الريق
الترويقة شوفان بالكاكاو و العسل والموز
نصف ساعة مشي سريع
كوب نيسكافيه بدون سكر
كورنكيك علبة سادة
الغدا صحن صغير رز بفول مع لبن
كوب بيبسي دايت
العشا جاط سلطة
خوخة
كوب ماء


تم اليوم الثاني بنجاح..تصبحوا على خير