رجيم السعرات القاسي جداً .. ينزل من 10 الى 20 كيلو في 50 يوم

مجتمع رجيم / تجارب الرجيم الناجحة
كتبت : فاطمة العلي
-
السلام عليكم حبيباتي كيفكم؟؟؟

والله زماااااان عنكم,, اخر موضوع كتبته كان في سنة 2013 ههههههه
وسبحان الله كان الموضوع هني في قسم تجارب الرجيم السعرات laugh.gif

تكلمت عن تجربتي في نزول 13 كيلو السعرات 000021541.gif والحين راح اتكلم عن تجربة ثانيه ونزلت فيها 7 كيلو فقط في 50 يوم السعرات grin.gif

الرجيم عبارة عن رجيم سعرات بس وااايد قاسي الحلوة اللي عندها ارادة وعزيمة قوية تقدر تنزل اكثر مني السعرات laugh.gif
الرجيم اسمه ABC DIET
(ماقدر احط راوبط السعرات smile37.gif اكتبوا في جوجل وبتحصلونه)

ومثل ماقلت هو عبارة عن نظام سعرات قليلة جداً و في ايام صوم بس مب صومنا نحن المسلمين ههههه الصوم هذا يعني امتناع عن الاكل طول اليوم (عادي تشربين ماي وقهوه او شاي بس بدون سكر وبعد عادي تشربين بيبسي دايت)

شو اللي خلاني اجرب هالرجيم؟
يتني فترة وزني زاد وصلت 68 بعد ماكنت 60 السعرات smile37.gif وهالشي سبب لي أكتئاب السعرات 0000454564.gif كرهت جسمي وشكلي ماكنت احب اطلع من البيت.
جربت اكل صحي ورياضة بس مافادني لانه مافيني صبر هههههه
وقلت ليش ماجرب هالرجيم لانه مثل ماقالوا ينزل من 10 الى 20 كيلو في 50 يوم

كيف بديت وشو اكلت؟
اول شي: البرنامج اللي كنت استخدمة لحسب السعرات هو Myfitnesspal بتحصلونه في الابل ستور و جوجل ستور

شو كنت اكل؟
دورت على اكلات قليلة السعرات مثل Rice Cakes او كعك الأرز بتحصلونه في كارفور قسم اكلات الصحية والرجيم, الكعك بروحه 30 سعرة حرارية احياناً اكله بروحه واحيانا احط فوقه ملعقة صغيرة زبده الفول السوداني ف راح يكون 60 سعرة حرارية. وممكن تحطون فوقه اي شي خاطركم في بس الافضل يكون قليل السعرات مثل جبن لايت او زبدة لايت واشياء جي
والشي الثاني الشوربات .. الشورات قليلة السعرات مثل شوربة ماجي طبعا في انواع وايد من شوربة ماجي دوري على شوربة فيها سعرات قليلة مثل شوربة الخضار 1كوب من الشوربة فيه 45 سعرة حرارية
وطبعا الخضروات والفواكه واااايد قليلة في السعرات مثل الخس والخيار والزهرة او القرنبيط وشي بعد اكثر
(مثال)نظامي اليومي:
الفطور: كوب كبير شاي او قهوة بدون سكر = 0 سعرة حرارية
الغذاء: نص كوب شوربة ماجي + 50 جرام من السمك + كوب يح او بطيخ = 123 سعرة حرارية
سناك: كوب شاي بدون سكر + علكة اكسترا = 3 سعرة حرارية
العشاء: خبز اسمر صغير + ملعقة صغيرة جبن + كوب شاي بدون سكر = 63 سعرة حرارية
مجموع السعرات: 190 سعرة حرارية

هذا كان مثال من يومي وطبعا كل يوم يكون غير عن الثاني في ايام السعرات تكون واايد قليلة وايام تكون كثيرة
نصائح: 1)حبة عنب فيه 2 سعرة حرارية ماقدر اوصف عن شعوري تجاه العنب يابناااات العنب ساعدني في اجتياز هذي المرحلة من حياتي هههههه كنت اكل 20 الى 25 حبة عنب في اليوم كسناك او كعشاء في الايام السعرات تكون قليلة جدا
2)برتقالة(صغيرة) فيها 45 سعره حرارية تشششبببببع !! ايام كنت اتعشى ببرتقالة بس وتكفيني الحمدلله
3) الشاي والدايت بيبسي,, طبعا مع الاكل القليل اكيد بتحسين بجوع واحيانا يكون الجوع قوي جدا الشاي والدايت بيبسي ممكن يساعدج في تخفيف الجوع ليش؟ لانه فيه كافين والكافين يحسسج بالشبع ويعطيج طاقة تكملين فيه يومج.
4) لازم لازم لازم تاخذين فيتامينات لان اكلج وايد قليل وراح تنقصين فيتامينات ف لازم تشترين فيتامينات تنفع جسمج.

الرياضة:
لان السعرات كانت قليلة ماكنت اسوي اي رياضة ليش؟ لانه بعدين بتموتين من التعب ههههههه ماراح يكون فيج اي طاقة كافية تكملين فيه يومج.

النزول:
عن نفسي مانزلت وايد كل اللي نزلته هو 7 كيلو
الاسباب: السبب الاول هو لان وزني ماكان عالي جدا ف اكيد ماراح انزل وايد يعني اللي وزنها 80 او 90 اكيد راح تنزل اكثر مني
السبب الثاني هو لاني كنت اسوي رجيم قبله, كنت اكل صحي فالنزول ماكان كثير يعني اللي تاكل اكل عادي او تاكل وايد اكيد مع تقليل السعرات راح تنزل اكثر مني.
السبب الثالث: كنت اخربها ههههههه يتني ايام كنت اخرب واكل فوق ال2000 سعرة ولا ايام الاعراس والطلعات وهالشي كان يوقف نزول الوزن.

وبس
اتمنى اكون ساعدتكم ولو قليلا السعرات laugh.gif
كتبت : شروق شمسي
-
هلا برجعتج .. نورتينا
ما شاء الله همتج عاليه تحملتي هالدايت القاسي
والف مبروك النزول .. عقبال توصلي لل 55
ربي يعطيج العافيه ويسلموو الغاليه
كتبت : فاطمة العلي
-
class="quote">اقتباس : المشاركة التي أضيفت بواسطة شروق شمسي:
هلا برجعتج .. نورتينا
ما شاء الله همتج عاليه تحملتي هالدايت القاسي
والف مبروك النزول .. عقبال توصلي لل 55
ربي يعطيج العافيه ويسلموو الغاليه
"هههههه هيه والله نبا نضعف ياختي

ربي يبارك فيج حبيبتي ان شاء بفتح موضوع ثاني في قسم اليوميات وبكتب عن رجيمي الحالي "


كتبت : سوسن .
-
ماشاء الله بس اظنه صعب شوي رلاح ادور عليه في النت
كتبت : فاطمة العلي
-
class="quote">اقتباس : المشاركة التي أضيفت بواسطة سوسن .:
ماشاء الله بس اظنه صعب شوي رلاح ادور عليه في النت
هيه والله وايد صعب بس نتايجه عجييييبة

التالي

عاجل عاجل عاجل ..ادخلوا لاكبر تجربة رشاقة حديثة ...العهد على مجلة ريجيم

السابق

نظام رائع وفعال يساعدك على فقدان الوزن بدون ان تشعري

كلمات ذات علاقة
الخ , السعرات , القاسي , جداً , يوم , ينزل , رجيم , كيلو