تقرير رحلتي إلى ى تركيآ " أرض العثمآنيين "
مجتمع رجيم / سفر سياحة فنادق منتجعات
كتبت :
ياسمينة البحرين
-
<div id='utfx'> </p> </p> السلام عليكم ،
كيفكم؟
مممممم يوم السبت الاسبوع اللي طآف كآن.. سآفرت الى تركيآ،
و السبت هذي ردينا لعمان بالسلامه الحمدلله،
صوووورت كم صوووره لكم،
قلت أعيشكم لو شي بسيط من اللي عشته هناك،
بس اول شي بحط لكم شويه نصايح بتستفيدوا منها هناك.. في تركيا ..
كيفكم؟
مممممم يوم السبت الاسبوع اللي طآف كآن.. سآفرت الى تركيآ،
و السبت هذي ردينا لعمان بالسلامه الحمدلله،
صوووورت كم صوووره لكم،
قلت أعيشكم لو شي بسيط من اللي عشته هناك،
بس اول شي بحط لكم شويه نصايح بتستفيدوا منها هناك.. في تركيا ..
align="right">* في تركيا شهر 7 الجووو نآآر والاسعار غاليه فلا تفكروا تروحوا لها هالوقت .. الا اذا حابين تتشمسوا وتسووا تآآآآن لاجسامكم هع
* لا تركبوا التكاسي الا في الحالات الاضطرارية لإن التاكسي يحسب عليك دولار امريكي على كل دقيقة سواقة..
* استخدموا المترو والترام لتنقلاتكم.. بصراااحه في رحلتنا كله كنا نستخدم ترام و متروا الا اخر يوم استخدمنا تاكسي واول يوم استأجرنا سياره..
الترررآم ترى مثل المترو بس الفرق ان المترو يكون فوق الارض والترام تحت الارض .
* عاده الترام هو اللي يوصل بين منطقة تقسيم "محطة كاراكوي " ومنطقة البلدة القديمة ، "محطة سلطان احمد " .
* قيمه الترام و المترو 3 ليررره.. تحصل في المحطه جهاز .. تحط فيه الـ 3 ليره و يطلع لك كوينز لونه احمر .. تستخدمه عشان تقدر تدخل البوابه وبعدين تنتظر لين يوصل الترام و لا المترو.
* ما انصحكم تسجلوا بأي رحله سياحيه مع الشركات سواء اللي كانت هناك ولا اللي تحجزها من بلدك.. لانهم يربحوا وايد عليك..
* اذا ناووين تروحوا جزيرة الاميرات مثلا،
تركبوا الترام و تنزلوا بآخر محطه اسمها محطه "كاباتاش" ، تنزلوا من الترام و تروحوا للشاطي مباشرة، بتلاقوا هناك دررااايش يبيعوا فيها تذاكر لجزر الاميرات،
التذكرة للشخص الواحد خمس ليرات، و في الرده بعد.. تآخذ تذكره بـ 5 ليرآت ،
بيطلع المجموع 10 ليرات، و 6 ليرات للترام رايح جاي هي 16 ليرة،
وطبعا لما توصل جزر الاميرااات لازم تجرب تركب الحنطور .. لان في هالجزيره مافي سيارات الا سيارات الامن ..
اذا كنتوا شخصين مسافرين بتركبوا الحنطور عشر دقايق بعشرين ليرة، يعني عشرة عالواحد، يعني المجموع بيطلع 26 ليرة عالواحد، .. اما الشركات السياحيه تاخذ 60 دولار للشخص !!
* حللو بعد تجربوا رحله مضيق البسفور على السفينة، والرحله هذي تتحرك من نفس المكان اللي تتحرك منه لجزر الاميرات .
* لازم بعد تزوروا في البلدة القديمة " الجامع الازرق والمعروف ب سلطان احمد" ، و لازم بعد تروحوا متحف ايا صوفيا، و توب كابي .
* اسألوا عن جامع السليمانية وروحوا شوفوه، هذا الجامع رهيب، في معماري اسمه سنان كان على زمان الدولة العثمانية، بنى 400 منشأة معمارية، جامع السليمانية هذا يعتبر افخم شي بناه، و المسجد هذا ضد الزلازل طبعا .
* لازم تروحوا على دوار تقسيم وترشوا للحمام اكل ، صحن الحبوب مال الحمام ينباع بـ ليرة تركيه ، حلو تتصوروا مع الحمام وهو طاير .
* لازم تروحوا شارع الاستقلال ويفضل بالليل، كلوا كستنا مشوية وكلوا ايس كريم تركي.
*اذا حابين تشتروا شي بالجملة روحوا منطقة " لالالي" ..هالمنطقة ممتازة للتسوق الفردي، لانها رخيصة والناس هناك كثير يتكلمو عربي، او تروحوا منطقة اكسراي نفس الشي رخيصه للتسوق.
* ضروري يكون معكم خارطة لـ اسطنبول، ويكون معكم خط سير المترو والترام.
align="left">لا تردوا لين يخلص الموضوع