محاوره بين أحمد الناصر و مطلق الثبيتي , محاورات شعرية نادرة , مختارات ادبية
مجتمع رجيم / فيض القلم
كتبت :
حنان الروح
-
محاوره بين أحمد الناصر و مطلق الثبيتي , محاورات شعرية نادرة , مختارات ادبية
align="right">
align="right">
يقول مطلق الثبيتي:
قبل شهر رمضان الليل هذا مثل ليل العيد
عسى ربي يطول عمر من نمشي على نوره
تهرج يا أحمد الناصر وصك الحيد جنب الحيد
ولا تزعل على مستور والأحوال مستوره
أحمد الناصر:
اظن العيد عيد للجميع مبارك وسعيد
وهذي عادة ما تختلف لعيال اخو نوره
عسى من فاد راسك يالثبيتي ما يفيد الفيد
ترى مستور أخوي ورفقته في القلب مبذوره
مطلق :
ترى عقل البنى ادم يا أحمد الناصر سواة القيد
يخلي السر دايم صرة في الجيب مصروره
نسيت الفقه والتوحيد والتفسير والتجويد
بعد عودة معهم كل يوم تلعب الكوره
أحمد :
تهرج يالثبيتي وانت ابو ما تشتهي وتريد
ليا ضيعت دربك نزهدك في راس باكوره
تكايدني وانا خابرك رجال تحب الكيد
جوازك للسفر ما فيه توقيع ولا صوره
مطلق:
عطوك البندقية مار ياجعلك تصيد الصيد
لها روحين مار البندقة ما هيب ممهوره
يجيبون الدوا للعود يبغونه يصير وليد
وإلى شافوه يعرج بين اهل رابغ ومستوره
أحمد :
تشوف اللي قريبه يا لثبيتي ما تشوف بعيد
سواة التاجر اللي في البحر غرقان بابوره
اظن الفقع في جنب الرقه والعلم بالتأكيد
ولو ما تحسن اللحيه لقيت البيض منثوره
مطلق :
انا ما ابغاك تمشي في الدروب العوج يا بوزيد
ولا يطرحك درهام الجمل بالارض عن كوره
انا با خذك بالمعروف وانت العم وانت السيد
رجاجيل الجميله بين كل الناس مشهوره
أحمد :
تهددني ولا يزمل عميلك راعي التهديد
واخبر الناس يارجال منهية وماموره
نبي نرضيك يارجال والميت عساه شهيد
وعقب أقرا عليك العاديات من اول السوره
