أعراض نقص فيتامين د ...
مجتمع رجيم / النقاش العام
كتبت :
عبير ورد
-
بصو بقى يا جماعه .... بالنسبه لفيتامين دال فيه كذا حاجه ....اول حاجه اعراض النقص تعب وهمدان وتكسير في الجسم ووجع في العضم ومش قادره تقومي من على السرير ومش مستحمله المجهود اللي كنتي بتستحمليه قبل كده وسوء المزاج والاكتئاب بدون سبب والاتهابات المتكرره وضعف المناعه .....فلو حد عنده الاعراض اللي زي دي في الفتره اللي احنا فيها فغالبا هيبقى عنده نقص لانها بقت مشكله عالميه دلوقتي ......
تاني حاجه لو عندي الاعراض دي المفروض اعمل التحليل علشان اشوف النسبه عندي قد ايه وفيه احتمال من الحتمالين ... يا عندي نقص يا معنديش والنقص معناه ان النسبه تحت ال ٣٠ng /dl .....
طيب لو معنديش نقص يبقى همشي على الجرعه الوقائيه لفيتامين دال اللي هي ١٠٠٠ وحده في اليوم في مصر دلوقتي مش موجوده الا في الفيدروب عشر نقط يوميا او ممكن اخد القزازه كلها وادوبها في ميه واشربها مره في الشهر ...دي الجرعه الوقائيه بتحافظ على النسبه الموجوده بس ما بتصلحش النقص ....
طيب لو طلع عندي نقص بمشي على نفس قزازه افيدروب بس هتبقى كل اسبوع او حقنه اسمها devarol s 200000IU حقنه عضل كل شهر او ممكن الامبول يتكسر ويتفضى في شويه ميه ويتشرب برده مره كل شهر لمده ٣ شهور او اكتر على حسب كل حاله وعلى حسب الوزن لان السمنه بتحتاج وقت اطول ومع العلاج المبدأي ده بناخد كبسوله كالسيوم كل يوم ونشرب كبايتين لبن او زبادي وحته جبنه ونهتم بمصادر الكالسيوم وبعد كده بنعيد التحليل ونشوف لو النسبه طلعت فوق التلاتين بنرجع نمشي على الجرعه الوقائيه ونبطل كبسولات اكالسيوم لو لسه تحت التلاتين بنكمل على الجرعات الكبيرهنتابع لحد ما توصل فوق التلاتين.
تالت حاجه ... فيتامبن دال فيتامين دهني بيتخزن في الجسم لو اتاخد بجرعه عاليه من غير متابعه بيتخزن في الجسم وبيعمل تسمم شديد ومالوش حل بيبدأ يرسب الكالسيوم في كل حته واولهم الكلى والحصوات بقى وهكذا يعني ماينفشعش ابدا حد ياخد الجرعه العلاجيه من غير تحليل هو الي هيضر نفسه اللي مش عايز يعمل اتحليل يمشي على الجرعات الوقائيه امنه ومفيش منها ضرر
رابع حاجه التحليل في المعامل الخاصه غالي جدا في الجامعه بيتعمل ب ٦٠ جنيه بس يعني اللي عايز يتعالج من غير تحليل مالوش حجه التحليل اهو ورخيص جدا
بالنسبه للأطفال قبل سنه بياخدو ٤ نقط فيدروب يوميا وبعد سنه بياخدو ٦ نقط فيدروب بيتاخد من اول يوم ولاده يوميا علشان مايحصلهمش مشاكل ومن اهمها ال rickets
بالنسبه للي بترضع هي يمشي عليها نفس الكلام اللي فوق يعني على حسب تحليلها لو عندها نقص او معنهاش هنشوف تمشي على الجرعه الوقائيه ولا العلاجيه ....الفرق في البيبي لو الام اللي بترضع بتاخد ٦٠٠٠ وحده يوميا اللي هم تقريبا قطارتيت فيدروب في اليوم لطفل اللي بيرضع ممكن مايحتاجش جرعه الفيدروب بتاعته بس الكلام ده طبعا بعد استشاره طبيب الاطفال اللي الطفل بيتابع عنده
بالنسبه للحامل اول تلت شهور مش هتاخد اي حاجه غير الفوليك اسيد بعد الشهر التالت مايخلص ونبدا في الرابع هتاخد ١٠ نقط فيدروب يوميا ده اساسي مع الكالسيوم والحديد ..دي برده اجرعه اوقائيه بس لو عملت اتحليل وطلع ناقص بتمش على الجرعه العلاجيه نفس اكلام اللي فات ونفضل نتابع لحد ما النسبه تتظبط وبعدين نرجع للجرعه الوقائيه تاني افرق بس ان الجرعه اعلاجيه بتاعه الحامل بتبقى اقل من اللي مش حامل اخرها ٤٠٠٠ وحده في اليوم ماتعديهومش
المعلومه المهمه اللي عايزه اقولها لو اي حد قالك خدي وال الفا او الفاكالسيدول او اي حاجه فيها الصوره النشطه بتاعه فيتامين دال active form of vitamin d ماتسمعيش كلامه .... الدوا ده بيتاخد في مرضي الفشل الكلوي فقط او في بعض الحالات الشديده بتاعه كساح الاطفال rickets .... الدوا ده ما بيصلحش النقص ولا بيرفع النسبه يعني لو عندك نقص واخدتيه لمده سنه هتيجي تقيسي النسبه بعد السنه هتلاقيها زي ما هي او اسوأ وكمان مع استخدام الدوا ده بيحصل كسل للجسم في تصنيع واستخدام فيتامين دال يعني بيعطل المسار الطبيعي اللي ربنا خالقه جوه جسمنا فممكن يحسن الاعراض مؤقتا واول ما هتبطليه هترجعي اسوأ من الاول
بالنسبه لكبسولات الكالسيوم ناخد مع فيتامين دال ولا لأ؟ مع الجرعات الوقائيه لأ مابناخدش كالسيوم الا الحامل واللي بترضع .... مع الجرعات العلاجيه افضل حاجه ناخد احتياجاتنا كامله من الاكل يعني ٣كبايات لبن او زبادي ومش لازم يبقى لبن صريح ممكن يبقى في عصير او مهلبه او رز بلبن او اي حاجه ونهتم ونوع في مصادر الاكل اللي فيها كالسيوم زي البيض والسمسم حلو جدا والفلف الاخضر والورقيات كلها الخس والجرجير والخضره والملوخيه ....طيب لو مش عارفين نعمل كده يبقى ممكن ناخد كبسولات كالسيوم كبسوله واحده بس يوميا برده مع الاهتمام بالكل اللي فيه كالسيوم بس الكبسولات اول ما النسبه تتصلح نبطلها لان كبسولات الكالسيوم مع جرعات فيتامين دال العاليه ممكن تعمل حصوات في الكلى مع الاستمرار عليهم فترات طويله
طيب ليه بنهتم بالك
السيوم مع فيتامين دال ؟ اولا لان تأثير العلاج بفيتامين دال بيبقى احسن وبيجيب نتايج افضل كتير لو اخدنا احتياجاتنا اليوميه كامله ....ثانيا علشان مع بدايه العلاج ممكن فيتامين دال فجأه يسحب كميه كالسيوم كبيره من الدم يرسبها في العضم فيحصل شد عضلي فاحنا مش عايزين ده يحصل .... وبأكد على معلومه ان الكالسيوم من الاكل احسن بكتير ... ولو هناخد كبسولات كبسوله واحده بس مانزودش لسببين السبب الاول كده كده الجسم مش هيمتص الا كبسوله واحده لان دي اقصى قدره ليه يعني بتاخدي ضرر الكبسوله التانيه مش نفعها .... السبب التاني علشان زي ما قولنا كبسولات الكالسيوم مع فيتامين دال حتى مع الجرعات الوقائيه مع الاستخدام لفترات طويله ممكن يعمل حصوات في الكلى
