الاخلاص والنية

مجتمع رجيم / النقاش العام
كتبت : عبير ورد
-
1486671400583.gif


عن أمير المؤمنين أبي حفص عمر بن الخطاب رضي الله عنه ، قال : سمعت رسول الله صلى الله عليه وسلم يقول:
( إنما الأعمال بالنيّات ، وإنما لكل امريء مانوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه ) رواه البخاري ومسلم في صحيحهما .


الاخلاص والنية
النية يعني ايه ؟؟

النية يعني القصد .. إزاي ؟؟ يعني قصدك ايه من اللي عملتيه او
س انتي عملتي ... ليه ؟؟ ج عشااان .. كذا .. اللي بعد عشان هي دي النية

والنية هي معيار لتصحيح الاعمال يعني لو صلحت النية صلح العمل لو فسدت النية فسد العمل
العمل لو قارنته بالنية له ثلاث احوال في احالة الاخلاص لله
أ ان يعمل ذلك خوفا من الله
ب ان يعمل لطب الجنة والثواب
ج ان يفعل ذلك حياء من الله وتادية لحق العبودية ويحس بعدها انه برضوا مقصر وخايف من عقابه


1509982211_3940.gif
والنية دي ليها فوائد ايه هي ؟؟
1* بتفرق بين العادة والعبادة يعني ايه ؟؟
يعني لو دخل رجلين يأخدوا دش ساقع ايه اللي فرق بين عمل الراجل ده وعمل الراجل التاني ؟؟ اللي هيفرق النية واحد دخل عشااان يتطهر من جنابة يعني بقت عبادة وهياخد اجر عليه والاخر دخل عشان ينزل عرقه والدنيا حر يعني بقت عادة ومش هياخد اجر عليه
2 بتفرق بين مراتب العبادات ( الفرض والسنة )
لو واحد دخل المسجد وصلي 4 ركعات والتاني دخل بعده وصلي برضوا 4 ركعات ايه الفرق ؟؟؟ النية واحد نوي انها فريضة الظهر والتاني نوي انها نوافل سنة الظهر مثلا

طب نيجي للحديث
1509982252_7132.gif

انما الاعمال بالنيات يعني ايه ؟؟
يعني لا تكون الاعمال الا بالنية انتي بتعملي العمل ده ليه ؟؟ لا ُيعتد بأي عمل تعمليه الا بنيتك فيه وإلا هيبقي زي قلته كأنه عاده مش هتاخدي فيه ثواب
1509982211_3940.gif وإنما لكل إمريء ما نوي يعني كل فرد مش هياخد غير اللي نواه من عمله
اللي نوي من عمله ارضاء الله فهو لله واللي نوي من عمله ارضاء الناس فهو للناس وهيبقي ساعتها رياء ومردود عليه مش مقبول

وافة الرياء دي نوعين 1 *بيعمل عمل وقصده ارضاء الناس مثلا بيعمل خير ويصلح في شغله عشان رئيسه يرقيه او ينجح في اي انتخابات او ما شبه
2* بيعمل عمل وقصده ارضاء الله والناس معا يعني بيعمل لوجه الله وياسلام بقي لو حد شافه وقال عليه بيخاف ربنا ياااااه متعة بالنسبة له ولو محدش شافه يتعمد يقول ادام الناس هم عمل ايه عشان يعرفه
قال رسول الله صلي الله عليه وسلم :
( من سمع سمع الله به ومن راءي راءي الله به ) رواه البخاري

الرياء بانواعه محبط للعمل وكما ان الله تكبر عن انه يكون له الزوجه او ولد او شريك يكبر اينا ان يكون له شريك في العمل
1509982211_3940.gif ملحوظة هامة جدا وخطيرة احفظيها في قلبك قال الفضيل بن العياض
ترك العمل من اجل الناس رياء والعمل من اجل الناس شرك
زي ما فيه الرياء في العمل يعني العمل ادام الناس عشان يعرفوا ويشوفوا في رياء تاني اكتر مش واخدين بالنا منه smiley-dreadful.gif
هو انك مش تعملي العمل الصالح بحجة انك مش عايزة الناس تشوفك يبقي عايزة تعملي حاجة وتلغيها بحجة الناس هتشوفك وهيبقي رياء لا بلاش
هو دة الرياء بعينه حاولي اعملي اللي نفسك فيه الله ومش تركزي علي الناس هتشوفك ولا لا اخلصي النية لله واشتغلي

ربنا يعافينا من النوعين
مش تعملي حاجة وعايزة الناس تعرف وتشوفك ولا تمنعي عمل خايفة لحسن الناس نشوفك كدة غلط وكدة غلط
1509982211_3940.gif فمن كانت هجرته إلى الله ورسوله ، فهجرته إلى الله ورسوله، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه اللي عمل حاجة لوجه الله فهي لوجه الله واللي عمل حاجة للناس فهي للناس
والقصد هنا اما الهجرة من مكة للمدينة
او الهجرة بقصد التوبة
فقد ورد عن النبي صلى الله عليه وسلم أنه قال :
( لا تنقطع الهجرة حتى تنقطع التوبة ولا تنقطع التوبة حتى تطلع الشمس من مغربها )
(انا بهاجر المعصية ) بهاجرالمعصية دي ليه ؟؟ عشان ربنا يرضي عني وخايف من عقابه ولا عشان اتزوج من امراه او عشان اكسب حاجة من مظاهر الدنيا
هو نيته من الهجره دي مش هيكسب حاجة غير اللي نواه من عمله

ربنا يرزقنا الاخلاص في النية لله وحده لا شريك له واحفظ اعمالنا من الشر والرياء بكل انواعه بقصد او عن جهل smiley-pray.gif
1486671400624.gif

التالي

من أقوال د. خالد أبو شادي (6)

السابق

اختصاري لتدبر القران

كلمات ذات علاقة
الاخلاص , والنية

المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

الخصوصية وشروط الاستخدام حقوق النشر والتأليف الاتصال بنا

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0