الجو رايق .. وقدامي بحر جده , قصيدة بحر جده - عبير بنت أحمد
مجتمع رجيم / فيض القلم
كتبت :
حنان الروح
-
الجو رايق .. وقدامي بحر جده
, قصيدة بحر جده - عبير بنت أحمد align="right">
, قصيدة بحر جده - عبير بنت أحمد align="right">
من قصائدها العاطفيه...
~ بحر جده ~
الجو رايق .. وقدامي بحر جده
لكن شعري عجزت ابدا دواوينه
جافيت الاقلام(مدري ليه؟) لي مده
واثر القصايد .. حبيبي .. ما ملت عينه !
قاله وضحك .. وانا ادري فيه من جده
ما قاله الا يبيني أكتب ف زينه
من يومها والقمر دمعه على خده
لما وقف جنب خلي .. وانفضح شينه
كل بيغلي حبيب له..على قده
وانا جمعت الغلا من كل مغلينه
يصد عني .. وانا ارحب بهالصده
دام انه يصد ناوي يرجع ف حينه
اشبهه بالبحر في جزره و مده
واعطى البحر ملحه ولاطالب ف دينه
جايز نلاقي رمال الشط منعده ؟
لكن خلي .. عجزت احصي مجانينه
أدري بشوقي من اول واصل حده
اليوم .. ما عاد شوقي يندرى وينه
أرسلت قلبي يشوفه .. مير ما رده
قلت ارسل الروح تسكن في شرايينه
الله يجيب الرخا من بعد هالشده
واعوض اللي حرمته بأول سنينه
هو سيد سيد الرجال وعمه وجده
هو غايتي لو غرس في القلب سكينه
هو بس يامر علي بكل ما وده
فرض الولا له ولاهوب لسلاطينه
لو كل من صادقوني وقفوا ضده؟؟
وقفت ضد الصداقه يا معادينه
ليت اللي حد الغلا في شعري يحده
ويكمل اللي نقص من ديني ودينه
مير الوعد لا تلاقت يدي ف يده
تصير باقي القصيده .. بيني وبينه
الجو رايق..و محبوبي وصل جده
وشلون شعري يبي ينهي دواوينه؟؟؟
